بۇل تۋرالى ورتالىق كوممۋنيكاسيالار قىزمەتىنىڭ الاڭىندا وتكەن بريفينگ بارىسىندا الماتى قالاسىنىڭ اكىمى دارحان ساتىبالدى مالىمدەدى. شاھار باسشىسى مادەنيەت قالانىڭ ماڭىزدى الەۋمەتتىك قۇرامداس بولىگى عانا ەمەس، سونىمەن قاتار ونىڭ ينۆەستيسيالىق تارتىمدىلىعىن ارتتىراتىن ەلەۋلى قۇندىلىق ەكەنىن اتاپ ءوتتى.
اكىمنىڭ ايتۋىنشا، 2028 جىلعا دەيىن قازاق مەملەكەتتىك سيركىن، الماتى حايۋاناتتار باعىن، ساس اتىنداعى مەملەكەتتىك اكادەميالىق بالالار مەن جاسوسپىرىمدەر تەاترىن، سونداي-اق قازاقستان جازۋشىلار وداعىنىڭ عيماراتىن قايتا جاڭعىرتۋ جوسپارلانعان.
"قالادا جىل سايىن كەمىندە 40 ءىرى مادەني-بۇقارالىق ءىس-شارا وتكىزىلىپ، تۇرعىنداردى مادەني ومىرگە كەڭىنەن تارتۋعا جانە زاماناۋي مادەني كەڭىستىك قالىپتاستىرۋعا باعىتتالادى"، – دەدى دارحان ساتىبالدى.
سونداي-اق سالاۋاتتى ءومىر سالتىن كەڭىنەن ناسيحاتتاۋ ماقساتىندا سپورتتىق ينفراقۇرىلىمدى جاڭعىرتۋ جۇمىستارى جالعاسادى. 2027 جىلعا دەيىن «مەدەۋ» بيىك تاۋلى سپورت كەشەنىن قايتا جاڭعىرتۋ جوسپارلانعان. نەگىزگى جوبالاردىڭ ءبىرى – UEFA تالاپتارىنا ساي، 45 مىڭ كورەرمەنگە ارنالعان جاڭا ستاديون سالۋ. نىسان قۇرىلىسىن 2027 جىلى اياقتاۋ كوزدەلىپ وتىر.