الماتىدا جىل باسىنان بەرى اليمەنت الۋشىلاردىڭ پايداسىنا 500 ميلليوننان استام تەڭگە وندىرىلگەن. بۇل تۋرالى بۇگىن الماتى قالاسى ادىلەت دەپارتامەنتىنىڭ باسشىسى بالايىم كەسەبايەۆا وڭىرلىك كوممۋنيكاسيالار قىزمەتى الاڭىندا وتكەن بريفينگتە ايتتى، دەپ حابارلايدى aqshamnews.kz
سپيكەردىڭ ايتۋىنشا، جەكەمەنشىك سوت ورىنداۋشىلارىنىڭ قاراۋىندا 22 688 اليمەنتتىك ءىس بولعان، ونىڭ تەك 70ء-ى ناقتى ورىندالعان، 2 879-ى اياقتالعان، ال 1 000 ءىس پروبلەمالى بولىپ قالۋدا.
«جىل باسىنان بەرى اليمەنت الۋشىلاردىڭ پايداسىنا 500 ميلليوننان استام تەڭگە (568 361 752 تەڭگە) ءوندىرىلدى. وسى شارالار اياسىندا 37 اۆتوكولىك پەن 5 جىلجىمايتىن مۇلىك ىسكە اسىرىلعان»، - دەدى ب.كەسەبايەۆا.
الايدا، اليمەنتتەر بويىنشا سوت شەشىمدەرىن ورىنداۋ كوبىنە بورىشكەردىڭ اقشاسىنىڭ، تۇراقتى جۇمىس ورنىنىڭ نەمەسە ءوندىرىپ الۋعا جاتاتىن مۇلكىنىڭ بولماۋىنا بايلانىستى كۇردەلەنە تۇسەدى.
«وسىنداي قيىندىقتارعا جاۋاپ رەتىندە جىل باسىنان بەرى جەكە سوت ورىنداۋشىلارىنىڭ وڭىرلىك پالاتاسىمەن جانە حالىقتى جۇمىسپەن قامتۋ ورتالىعىمەن بىرلەسىپ ءۇش جۇمىس جارمەڭكەسى ۇيىمداستىرىلدى. وسى شارالاردىڭ ارقاسىندا 234 بورىشكەر جۇمىسپەن قامتىلدى، بۇل اليمەنت ءوندىرىپ الۋ تيىمدىلىگىن ەداۋىر ارتتىردى. ەگەر بورىشكەر جۇمىسقا ورنالاسۋدان باس تارتسا، ونى اكىمشىلىك نەمەسە قىلمىستىق جاۋاپكەرشىلىك كۇتەدى»، – دەپ تولىقتىردى سپيكەر.
2024 جىلى ەنگىزىلگەن جاڭالىقتاردىڭ ءبىرى – شاعىن ايىپپۇلدار مەن قارىزداردى ءوندىرىپ الۋعا باعىتتالعان «جەڭىلدەتىلگەن ءوندىرىس» باعدارلاماسى. كەسەبايەۆانىڭ ايتۋىنشا، 20 اەك-كە دەيىنگى ايىپپۇلدار 20 تامىزدان باستاپ اۆتوماتتاندىرىلعان جۇيە (گاي سيپ) ارقىلى وندىرىلەدى. بۇل جۇيە، ەگەر بورىشكەر شەشىممەن كەلىسسە، جەكە سوت ورىنداۋشىلارىنىڭ قاتىسۋىنسىز-اق ءوندىرىپ الۋ پروسەسىن جەڭىلدەتەدى.
«ءبىز ازاماتتارىمىزدىڭ مۇددەسى ءۇشىن اتقارۋشىلىق ءوندىرىس تيىمدىلىگىن ارتتىرۋعا جانە راسىمدەردى جاقسارتۋعا باعىتتالعان جۇمىستى جالعاستىرامىز. جەڭىلدەتىلگەن ءوندىرىستىڭ ەنگىزىلۋى – ءوندىرىپ الۋ پروسەسىنىڭ اۆتوماتتاندىرىلۋى مەن اشىقتىعىنا قاراي جاسالعان ۇلكەن قادام»، – دەپ قورىتىندىلادى بالايىم كەسەبايەۆا.
ايتا كەتەيىك، الماتى قالاسىندا 24 مەملەكەتتىك جانە 291 جەكەمەنشىك سوت ورىنداۋشىسى قىزمەت اتقارۋدا، ولاردىڭ نەگىزگى مىندەتى – سوت اكتىلەرىن ءماجبۇرلى تۇردە ورىنداۋ.
بۇعان دەيىن، اقشاسىن بالادان اياپ، بۋكمەكەرگە بەرگەن تۋرالى جازعان ەدىك.