الماتىدا جىل باسىنان بەرى زاڭسىز اينالىمنان 41 ملن. 433 مىڭ 748 تەڭگەنى قۇرايتىن 39 265 بىرلىك كونترافاكتىلىك ونىمدەر تاركىلەندى. قۇقىق بۇزۋشىلارعا 5 865 348 تەڭگە ايىپۇل سالىندى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە دەپارتامەنت باسشىسى بالايم كەسەبايەۆا ءمالىم ەتتى، دەپ حابارلايدى aqshamnews.kz.
2024 جىلدىڭ 9 ايىندا جەكە جانە زاڭدى تۇلعالاردىڭ وتىنىشتەرى نەگىزىندە تاۋار تاڭباسىن زاڭسىز پايدالانۋ فاكتىسى بويىنشا 80 كەزەكتەن تىس تەكسەرىس جۇرگىزىلدى.
«تەكسەرۋلەر بازارلاردا، ساۋدا جانە بيزنەس ورتالىقتارىندا، سونداي-اق بەلگىلى برەندتەردىڭ كونترافاكتىلىك تاۋارلارى ساتىلاتىن قويمالاردا جۇرگىزىلدى. تاركىلەنگەن ونىمدەردىڭ ىشىندە: ۇيالى تەلەفوندارعا ارنالعان اكسەسسۋارلار، كيىم، بالالار تاۋارلارى مەن ويىنشىقتار، تاتتىلەر، تەلەديدارلار، اۆتوموبيل بولشەكتەرى، موتور مايلارى جانە باسقا دا تاۋارلار بار. تەكسەرۋ ناتيجەسىندە زاڭسىز اينالىمنان 41 ملن. 433 مىڭ 748 تەڭگەنى قۇرايتىن 39 265 بىرلىك كونترافاكتلىىك ونىمدەر تاركىلەندى. سوت شەشىمىمەن قۇقىقبۇزۋشىلارعا 5 865 348 تەنگە ايىپۇل سالىندى»، - دەدى ب.كەسەبايەۆا.
سونداي-اق، جىل باسىنان بەرى ادىلەت دەپارتامەنتى 2 870 000 تەڭگەنى قۇرايتىن «WD-40» ساۋدا بەلگىسىنىڭ زاڭسىز بەينەسى بار 12 000 جۋىق دانا كونترافاكتىلىك ءونىمدى تاركىلەدى. سوت قاۋلىسىنا سايكەس كىنالى تۇلعالارعا ايىپپۇل سالىنىپ، تاركىلەنگەن تاۋار جويىلدى.
ايتا كەتەرلىگى، دەپارتامەنت جۇمىسى اياسىندا اتالعان كەزەڭدە حالىقتىڭ زياتكەرلىك قۇقىقتاردى قورعاۋ تۋرالى حاباردارلىعىن ارتتىرۋعا باعىتتالعان رەيدتەر عانا ەمەس، اقپاراتتىق كامپانيالار دا وتكىزىلدى.
سونداي-اق، ەلىمىزدەگى كرەاتيۆتى ەكونوميكانىڭ اۋقىمدى دامۋى ءۇشىن جاعداي جاساۋعا باسا نازار اۋدارىلدى. ونىڭ ىشىندە زياتكەرلىك مەنشىكتى زاڭدى تاسىلدەرمەن قورعاۋ.
سونىمەن قاتار، دەپارتامەنتتە زياتكەرلىك مەنشىكتىڭ جاڭا وبەكتىلەرى — «گەوگرافيالىق نۇسقامالار» ەنگىزىلگەنى تۋرالى حابارلاندى، ولار ەلىمىزدىڭ بەلگىلى ءبىر وڭىرلەرىندە وندىرىلەتىن تاۋارلاردى بىرەگەي دەپ بولۋگە كومەكتەسەدى. 2023 جىلى «تۇركىستان شوكولادى»، «تۇركىستان بالمۇزداق»، «قاراعاندى بالمۇزداق»، «چاچا-چاچا» جانە ايگىلى «الماتى اپورتى» سياقتى تاۋارلار تىركەلگەن.