مەگاپوليستە 2024 جىلدىڭ توعىز ايىندا ادۆوكاتتار مەملەكەت كەپىلدىك بەرگەن زاڭ كومەگى باعدارلاماسى اياسىندا 13 175 ازاماتقا تەگىن زاڭ كومەگىن كورسەتتى. مۇنداي اقپارات الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە كەلتىرىلدى، دەپ حابارلايدى aqshamnews.kz.
«بۇل قىزمەتتەردى ورىنداۋعا 371،1 ميلليون تەڭگە ءبولىندى، بۇل 2023 جىلمەن سالىستىرعاندا 35% - عا ارتىق. اعىمداعى جىلدىڭ قازان ايىنا دەيىن 279،6 ميلليون تەڭگە جۇمسالدى. وسىلايشا، بەلگىلەنگەن ينديكاتورلار تولىق كولەمدە ورىندالدى»، - دەدى ادىلەت دەپارتامەنتىنىڭ باسشىسى بالايىم كەسەبايەۆا.
الماتىدا 1 010 ادۆوكات جۇمىس ىستەيدى، 1 وڭىرلىك ادۆوكاتتار القاسى، 16 زاڭ كونسۋلتاسياسى جانە 48 ادۆوكاتتىق كەڭسە جۇمىس ىستەيدى. سونىمەن قاتار، 5 667 مۇشەنى بىرىكتىرەتىن 15 زاڭ كەڭەسشىسى پالاتاسى تىركەلگەن.
سونداي-اق، قالادا 945 نوتاريۋس جۇمىس ىستەيدى، بۇل وتكەن جىلمەن سالىستىرعاندا 25-كە ارتىق. 2024 جىلى نوتارياتتىق ىس-ارەكەت جاساۋ كەزىندە زاڭنامانىڭ بۇزىلۋىنا بايلانىستى، سونداي-اق نوتاريۋستاردىڭ وتىنىشتەرى بويىنشا 18 نوتاريۋستىڭ ليسەنزيالارىنىڭ قولدانىسى توقتاتىلدى. تارتىپتىك جاۋاپكەرشىلىككە 14 نوتاريۋس تارتىلدى.
سونىمەن قاتار، دەپارتامەنت وسى كەزەڭدە اكىمشىلىك قۇقىق بۇزۋشىلىق تۋرالى كودەكستىڭ 668-بابى بويىنشا ءىس قوزعاۋ تۋرالى 312 ءوتىنىش تۇسكەنىن حابارلادى (سالىستىرۋ ءۇشىن، 2023 جىلى مۇنداي وتىنىشتەر 135 بولعان). قاراۋ قورىتىندىسى بويىنشا 83-نە قاتىستى حاتتامالار جاسالىپ، ايىپپۇلدار سالىندى.
ادۆوكاتتار مەن نوتاريۋستاردىڭ قىزمەتىن ليسەنزيالاۋ سالاسىندا دەپارتامەنت ادۆوكاتتىق قىزمەتپەن اينالىسۋ قۇقىعىنا 504 ۇمىتكەرگە تەكسەرۋ جۇرگىزدى، ولاردىڭ 59-ى اتتەستاتتاۋدان ءساتتى ءوتىپ، ليسەنزيا الدى، ال 445ء-ى ليسەنزيا الا المادى. نوتاريۋستارعا كەلەتىن بولساق، 219 ۇمىتكەردىڭ 41ء-ى ليسەنزيا الدى، ال 178ء-ى اتتەستاتتاۋدان وتپەدى. ادۆوكاتتىق جانە نوتارياتتىق قىزمەتپەن اينالىسۋ قۇقىعىنا ليسەنزيا الۋعا ۇمىتكەرلەردى تەستىلەۋ تەستىلەۋ ورتالىعىندا وتكىزىلەدى.