الماتىدا پوليسيانىڭ جىلدام قيمىلدايتىن ارنايى جاساعى بىرنەشە جانجالدىڭ ورشۋىنە جول بەرمەي، تۇرعىنداردىڭ قاۋىپسىزدىگىن قاماتاماسىز ەتتى
الدىمەن پوليسيا پۋلتىنە تۇنگى كلۋبتاردىڭ ءبىرىنىڭ جانىندا بەتپەردە كيگەن ەكى ەر ادامنىڭ ۇلكەن پىشاقپەن جانجال شەشۋگە كەلگەنى تۋرالى حابارلاما ءتۇستى، - دەپ حابارلايدى Aqshamnews.kz.
جقاج قىزمەتكەرلەرىنىڭ جەدەل ارەكەتىنىڭ ارقاسىندا ءقاۋىپتى جاعداي دەر كەزىندە توقتاتىلدى. تەكسەرۋ بارىسىندا جانجال كلۋبتىڭ كۇزەتشىلەرى مەن كەلۋشىلەر اراسىندا تۋعانى بەلگىلى بولدى. وسى وقيعادان كوپ ۇزاماي جاقىن ماڭدا ەر ادام مەن ايەل اراسىنداعى جانجال تۋرالى تاعى ءبىر شاقىرتۋ كەلىپ ءتۇستى. پوليسيا وقيعا ورنىنا شۇعىل جەتتى. ايەل ەر ادامنىڭ بەتىنە بوتەلكەمەن سوققى بەرگەن. جاساق پوليسەيلەرى زارداپ شەككەن ەر ادامعا العاشقى مەديسينالىق كومەك كورسەتىپ، تاراپتاردى ءارى قارايعى تەكسەرۋ ءۇشىن پوليسيا بولىمشەسىنە جەتكىزدى.
- ءبىزدىڭ باستى مىندەتىمىز – قاۋىپ-قاتەرگە جەدەل جانە ءقاۋىپسىز تۇردە ارەكەت ەتۋ، جانجالداردىڭ كۇشەيۋىنە جول بەرمەۋ جانە قالا تۇرعىندارىنىڭ قاۋىپسىزدىگىن قامتاماسىز ەتۋ. كوماندانىڭ ۇيلەسىمدى جۇمىسى كەز كەلگەن جاعدايدا قۇقىق بۇزۋشىلىقتاردىڭ الدىن الۋعا جانە ازاماتتاردى قورعاۋعا مۇمكىندىك بەرەدى، – دەدى الماتى قالاسى پد جقاج كومانديرى ازامات يسەرگۋجين.