2030 جىلعا دەيىن 20 مىڭ ورىندىق جاڭا ستۋدەنتتىك جاتاقحانالاردى پايدالانۋعا بەرۋ جوسپارلانىپ وتىر.
شاھاردا 2030 جىلعا دەيىن بەس مىڭعا دەيىن جالعا بەرىلەتىن تۇرعىن ءۇي سالىنباق، دەپ حابارلايدى Almaty-akshamy.kz «الماتى قالاسىن دامىتۋدىڭ 2025 جىلعا دەيىنگى جوسپارىنىڭ نەگىزگى باسىمدىقتارى جانە 2030 جىلعا دەيىنگى ورتا مەرزىمدى پەرسپەكتيۆالارى» اتتى جوباسىنا سىلتەمە جاساپ.
- پوليورتالىقتاردا جاستارعا ارنالعان 16 Community ورتالىعىن ىسكە قوسۋ
- 10 مىڭنان استام ادامدى قامتيتىن جۇمىسپەن قامتۋ ورتالىقتارى
- جىلىنا كەمىندە 10 مىڭ ادامدى قامتيتىن وزەكتى ماماندىقتار بويىنشا (كۋرەر، موبيلوگراف، اسپاز، SMM جانە ت. ب.) كۋرستاردى ىسكە قوسۋ
- جاڭا داعدىلاردى دامىتۋعا جانە بيزنەستى اشۋعا ارنالعان اكسەلەراتورلار
- جىلىنا كەمىندە 1 مىڭ مادەني، سپورتتىق، ۆولونتەرلىك ءىس-شارالار وتكىزۋ
- لەند-لوردتار مەن كوليۆينگتەر قاعيداتى بويىنشا جىلىنا كەمىندە 2 000 اپارتامەنت جالعا بەرىلەتىن تۇرعىن ءۇي باعدارلاماسىن ىسكە قوسۋ،
- «الماتى جاستارى» جەڭىلدەتىلگەن يپوتەكاسىن جالعاستىرۋ جىلىنا كەمىندە 1 مىڭ پاتەر، 12 مىڭ ورىندىق ستۋدەنتتىك جاتاقحانالاردى پايدالانۋعا بەرۋ
- ستۋدەنتتەر ءۇشىن قالالىق سەرۆيستىڭ مينيمالدى ستاندارتىن ەنگىزۋ – سيفرلاندىرۋ، ءومىر ءسۇرۋ جاعدايلارى جانە ينفراقۇرىلىمنىڭ ينكليۋزيۆتىلىگى.
الماتىنىڭ بولاشاعىنا بەي-جاي قاراماڭىز. جاستارعا قاتىستى ءوز پىكىرىڭىزدى 1 شىلدەگە دەيىن تومەندەگى سىلتەمە ارقىلى «الماتى قالاسىن دامىتۋ ورتالىعى» اق سايتىندا قالدىرىڭىز.