ساراپشىلار ريەۆاكسينالاۋدىڭ ماڭىزدىلىعى تۋرالى ايتتى

ادام اعزاسىن ۆيرۋستان ساقتاندىرۋ ءۇشىن سەنىمدى قورعانىس قاجەت. 

قازاقستانداعى جانە الەمدەگى ەپيدەميولوگيالىق جاعدايدىڭ تۇراقتى بولۋىنا قاراماستان زەرتتەۋشىلەر ريەۆاكسينالاۋدان ءوتۋدىڭ قاجەتتىلىگى تۋرالى ايتادى، ويتكەنى ادام اعزاسىن ۆيرۋستان ساقتاندىرۋ ءۇشىن سەنىمدى قورعانىس قاجەت، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ. 

«الداعى ۋاقىتتا اۋرۋدىڭ ءوسۋى پوپۋلياسياداعى وميكرون شتامىنىڭ BA.4/ۆا.5 سۋبۆاريانتتارىمەن تارالۋىمەن بايلانىستى بولۋى مۇمكىن، ولار الدىڭعى تۇرلەرىنە قاراعاندا يممۋنيتەتتى اينالىپ ءوتۋ قاسيەتىنە يە.  سونىمەن قاتار اۋرۋدىڭ وزىنەن باسقا، كوروناۆيرۋستىڭ جاڭا نۇسقالارى پوستكوۆيدتى سيندرومنىڭ دامۋىنا اكەلۋى مۇمكىن، بۇل جىلدار بويى جاعىمسىز بەلگىلەردىڭ جالعاسۋىن، ءتىپتى مۇگەدەك بولىپ قالۋ ءقاۋپىن توندىرەدى»، - دەيدى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ. 

ماماننىڭ ايتۋىنشا، ريەۆاكسينالاۋ ەلىمىزدە اۋرۋحاناعا جاتقىزۋعا قارسى ءتيىمدى جانە اۋرۋدىڭ اۋىر، اسقىنعان جاعدايلارىنا قارسى 98،6% ءتيىمدى. سونىمەن قاتار بۇل پوستكوۆيدتى سيندرومنان قورعاۋعا مۇمكىندىك بەرەدى. 

قازاقستان دەنساۋلىق ساقتاۋ مينيسترلىگىنىڭ ۇسىنىمدارىنا سايكەس، سوڭعى الىنعان ەكپەدەن نەمەسە اۋىرعاننان كەيىن اراعا جارتى جىل سالىپ، قايتا ۆاكسينالاۋعا بولادى. 

زەرتتەۋلەر كورسەتكەندەي، بىرنەشە رەت جاسالعان ۆاكسينالاۋدان كەيىن انتيدەنە تيترلەرى كۇشەيە تۇسەدى، ياعني COVID-19-دان قورعانىس  جوعارى بولادى.