2025 جىلدىڭ توعىز ايىندا اۋرۋ كورسەتكىشى 38،8 پايىزعا وسكەن، دەپ حابارلايدى aqshamnews.kz
وسى كەزەڭدە ءارتۇرلى اۋىرلىق دارەجەسىندەگى 183 بالا اۋرۋحاناعا جاتقىزىلعان، ال اسقىنعان جاعدايلار سانى بىلتىرمەن سالىستىرعاندا 40،9 پايىزعا ارتقان.
اسقىنۋلاردىڭ ىشىندە ورتالىق جۇيكە جۇيەسى مەن تىنىس الۋ جولدارىنىڭ زاقىمدانۋى تىركەلگەن. اۋىرعانداردىڭ 60 پايىزدان استامى مەكتەپكە دەيىنگى جانە باستاۋىش سىنىپ جاسىنداعى بالالار.
ايتا كەتسەك، جەلشەشەككە قارسى ۆاكسيناسيا ۇلتتىق ەكپە كۇنتىزبەسىنە كىرمەگەندىكتەن، ۇجىمدىق يممۋنيتەت تەك اۋرۋدى باستان وتكەرگەندەردىڭ ەسەبىنەن قالىپتاسادى.
شەشەك اۋرۋىنىڭ ءوسۋى رەسپۋبليكا بويىنشا دا بايقالىپ وتىرعانى ايتىلدى. دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى دەرەگىنشە، بيىل قازاقستاندا شەشەك اۋرۋىنىڭ 30 مىڭنان استام جاعدايى تىركەلگەن، ونىڭ 85 پايىزى، ياعني 25 815 ادام 14 جاسقا دەيىنگى بالالار.
بىلتىر 22 607 ناۋقاس انىقتالعان بولاتىن. اۋرۋشاڭدىق ءوسىمى — 32 پايىز.