جارمەڭكەنىڭ باستى ماقساتى – وتاندىق وندىرۋشىلەردى قولداۋ، ىشكى نارىقتى دامىتۋ جانە تۇرعىنداردى قولجەتىمدى ءارى ساپالى اۋىل شارۋاشىلىعى ونىمدەرىمەن قامتاماسىز ەتۋ.
ساۋدا سورەلەرىنە ەت، بالىق، ءسۇت ونىمدەرى، كوكونىس، جەمىس-جيدەك، بال، كۇرىش، جۇمىرتقا جانە ايماقتان وندىرىلگەن وزگە دە تاۋارلار شىعارىلادى.
اۋقىمدى اۋىل شارۋاشىلىعى جارمەڭكەسى قازاننىڭ 18-19 كۇندەرى الماتى قالاسىندا، قازىبەك بي كوشەسىندە (ابىلاي حان داڭعىلىنان پانفيلوۆ كوشەسىنە دەيىن، قبتۋ تومەنگى جاعىندا) وتەدى.
بۇل شارا قالا تۇرعىندارى مەن قوناقتارى ءۇشىن ساپالى ءارى تابيعي ونىمدەردى نارىق باعاسىنان 15%-عا ارزان ساتىپ الۋعا تاماشا مۇمكىندىك بولماق.
جارمەڭكەگە:
16 توننا ەت؛
1،6 توننا ءسۇت ونىمدەرى؛
18،6 توننا كارتوپ؛
19،5 توننا پياز؛
36،2 توننا ءتۇرلى كوكونىس؛
6 توننا كۇرىش؛
3،3 توننا بال؛
26 توننا الما مەن جەمىس-جيدەك؛
50،5 توننا باسقا دا ءونىم جەتكىزىلەدى.
ءىس-شارا الماتى وبلىسى مەن الماتى قالاسى اكىمدىكتەرىنىڭ قولداۋىمەن ۇيىمداستىرىلىپ وتىر.