الماتىدا جالعاۋ يسالييەۆكە ارنالعان مەموريالدىق تاقتا اشىلدى

الماتى قالاسىندا كورنەكتى مەملەكەت جانە قوعام قايراتكەرى، مەديسينا عىلىمدارىنىڭ كانديداتى، پروفەسسور، ەلىمىزدەگى اكۋشەرلىك-گينەكولوگيا سالاسىنىڭ نەگىزىن قالاۋشىلاردىڭ ءبىرى جالعاۋ شاكىر ۇلى يسالييەۆكە ارنالعان مەموريالدىق تاقتانىڭ اشىلۋ سالتاناتى ءوتتى. بۇل تۋرالى Aqshamnews.kz سايتى حابارلايدى.

مەموريالدىق تاقتا ول كوپ جىلدار بويى ەڭبەك ەتكەن اكۋشەرلىك، گينەكولوگيا جانە پەريناتولوگيا عىلىمي ورتالىعىنىڭ قابىرعاسىنا ورناتىلدى. سالتاناتتى شارا ورتالىقتىڭ 50 جىلدىق مەرەيتويىنا وراي ۇيىمداستىرىلدى.

جالعاۋ يسالييەۆ – قازاقستاننىڭ دەنساۋلىق ساقتاۋ جۇيەسىن قالىپتاستىرۋعا ەلەۋلى ۇلەس قوسقان ءىرى تۇلعا. ول قازاق اكۋشەرلىك جانە گينەكولوگيا عىلىمي-زەرتتەۋ ينستيتۋتىنىڭ العاشقى ديرەكتورى، كوپتەگەن بۋىن دارىگەرلەردىڭ ۇستازى بولعان.

سالتاناتتى شارادا ءسوز سويلەگەن الماتى قالاسى اكىمىنىڭ ورىنباسارى اسەم ءنۇسىپوۆا يسالييەۆتىڭ مەديسيناعا سىڭىرگەن ەڭبەگىن جوعارى باعالاپ، بۇل باستامانىڭ عىلىمي ورتالىق ۇجىمىنىڭ ۇسىنىسى ەكەنىن ەرەكشە اتاپ ءوتتى.

المالى اۋدانى قوعامدىق كەڭەسىنىڭ ءتوراعاسى باتاي قابىلوۆ پەن قازۇمۋ رەكتورى مارات شورانوۆ تا يسالييەۆتىڭ كاسىبي جانە ادامگەرشىلىك قاسيەتتەرىن اتاپ ءوتتى.

جالعاۋ شاكىر ۇلىنىڭ جۇبايى، مەديسينا عىلىمدارىنىڭ كانديداتى سارا راحمانقۇل قىزى بارلىق قاتىسۋشىلارعا العىس ءبىلدىرىپ، مارقۇم جۇبايىنىڭ ومىرلىك ۇستانىمى – "ادام – مەملەكەتتىڭ باستى بايلىعى" ەكەنىن ەسكە سالدى.