الماتىدا كەنەسارى حان كوشەسى، 54/33 ءۇي مەكەنجايىنداعى تۇرعىن ءۇي كەشەنىنىڭ ءۇشىنشى قاباتىنداعى تەرراسادا زاڭسىز سالىنعان قۇرىلىس سوت شەشىمىمەن بۇزىلۋدا.
بۇل تۋرالى الماتى قالاسىنىڭ قالا قۇرىلىسىن باقىلاۋ باسقارماسى حابارلادى.
بۇعان دەيىن جۇرگىزىلگەن جوسپاردان تىس تەكسەرۋ بارىسىندا پاتەر يەسى (جەكە تۇلعا) ەشقانداي رۇقسات قۇجاتتارىنسىز ءوز پاتەرىنە ءبىر قاباتتى قوسىمشا قۇرىلىس سالىپ، تۇرعىن ءۇي اۋماعىن ايتارلىقتاي ۇلعايتقانى انىقتالعان.
يەسى اكىمشىلىك جاۋاپكەرشىلىككە تارتىلىپ، بۇزۋشىلىقتاردى جويۋ تۋرالى نۇسقاما بەرىلگەن.
الايدا، نۇسقاما تالاپتارى ورىندالماعاندىقتان، 2024 جىلعى 26 تامىزدا باسقارما الماتى قالاسى المالى اۋداندىق سوتىنا نۇسقامانى ماجبۇرلەپ ورىنداتۋ تۋرالى تالاپ ارىز بەرگەن. سوت پروسەستەرىنىڭ ناتيجەسىندە 2025 جىلعى 5 قاڭتاردا سوت باسقارمانىڭ تالاپتارىن قاناعاتتاندىرعان.
بۇگىننەن باستاپ ادىلەت دەپارتامەنتى سوت ورىنداۋشىلارىنىڭ قاتىسۋىمەن نىساندى بۇزۋ جۇمىستارى باستالدى.
