ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە ق ر سۋرەتشىلەر وداعىنىڭ حالىق سۋرەتشىلەرى ءابىلحان قاستەيەۆتىڭ 120 جىلدىعىنا، ۇكى اجييەۆتىڭ 100 جىلدىعىنا، ناعىمبەك نۇرمۇحاممەدوۆتىڭ 100 جىلدىعىنا، گۇلفايرۋز يسمايلوۆانىڭ 95 جىلدىعىنا ارنالعان «ۇلاعاتتى ۇرپاق» اتتى رەسپۋبليكالىق ەسەپتىك كورمەسى اشىلدى.
كورمەدە 200-دەن استام كەسكىندەمە، گرافيكا، ءمۇسىن، قولونەر سالاسى بويىنشا قازاقستاندىق سۋرەتشىلەردىڭ شىعارماشىلىق تۋىندىلارى ۇسىنىلدى. رەسپۋبليكالىق كورمەگە الماتى، الماتى وبلىسى، استانا، پاۆلودار، كوكشەتاۋ، پەتروپاۆل، اقتوبە، اتىراۋ، ورال، قىزىلوردا، تاراز، تۇركىستان، شىمكەنت وڭىرىنەن 150-گە جۋىق سۋرەتشىلەر قاتىسىپ وتىر.
قازاقستان سۋرەتشىلەرى ماڭىزى مەن ءمانى جوعالماعان قازاق بەينەلەۋ ونەرى قاي زامان بولسا دا ۇلتتىق قاسيەتتىڭ بولمىسىن، ونداعى دۇنيەتانىمدىق ءداستۇرلى كوزقاراستى ساقتاپ كەلەدى. قازاق بەينەلەۋ ونەرىنىڭ وركەن جايىپ، الەمدىك ونەردىڭ ارەناسىندا ۇلتتىق تىلمەن تانىلۋىمىزعا سۋرەتشىلەرىمىزدىڭ سىڭىرگەن ەرەن ەڭبەگى وراسان دەپ بىلەمىز.
قازاق بەينەلەۋ ونەرىنىڭ قالىپتاسۋى مەن دامۋىنا قوسقان ۇلەسىن، وزىندىك جەكە تۇلعالىق قولتاڭباسىمەن ونەر تاريحىندا ءىز قالدىرعان ساڭلاقتاردىڭ مەرەيتويلارىنا وراي كورمەنى ۇيىمداستىرۋدىڭ نەگىزگى مىندەتتەرى:
بۇگىنگى تاڭدا ءححى عاسىردىڭ سۋرەتشىلەرى ۇلتتىق ونەر مەكتەبىنىڭ دامۋىنا قانداي ۇلەس قوسۋدا؛
- قازىرگى تاڭداعى قوعام ومىرىندەگى كوممەرسيالىق قۇرامداس بولىكتەن ارىلۋ جانە جاڭا مىندەتتەردى اشۋ، وزەكتى پلاستيكالىق يدەيالاردى قالىپتاستىرۋ؛
- ادام مەن قوعام اراسىنداعى وزىندىك دامۋىنىڭ جاڭا تاريحي كەزەڭىنە شىعۋ ماڭىزدىلىعى.
— اتالمىش كورمەنىڭ تۇجىرىمداماسىنا سايكەس، سۋرەتشىلەر شىعارماشىلىعىنداعى تۋىندىلاردا ۋاقىت پەن كەڭىستىك اعىمىنىڭ اقيقاتى، ۇلتتىق رۋحتىڭ تىنىسى، ەلدىڭ ماقسات-مۇراتى باياندالادى. ەكسپوزيسيادا كورەرمەن ءتۇرلى جانردا ءار قىرىنان كورىنىس تاپقان، كومپوزيسيالىق جانە كولوريتتىك شەشىمدە، كرەاتيۆتى وي-تۇجىرىمدا ايقىندالعان ديناميكالىق ۇندەستىك پەن ءوزارا تۇتاس، تەرەڭ ماعىنالى تۋىندىلاردىڭ كۋاسى بولا الادى، — دەيدى كورمە جەتەكشىسى گۇلنار جۇبانيازوۆا.
كورمە جەلتوقساننىڭ 13-ىنە دەيىن جالعاسادى.