الماتىدا 2025 جىلى تاعى 100 مەكتەپ اۆتوبۋسىن ساتىپ الۋدى قارجىلاندىرۋ جوسپارلانۋدا
الماتى ءماسليحاتىنىڭ الداعى سەسسياسىندا 2025-27 جىلدارعا ارنالعان بيۋدجەتتىڭ ءتيىستى جوباسىن قاراۋ جوسپارلانۋدا، دەپ حابارلايدى aqshamnews.kz قالالىق ءماسليحاتتىڭ باسپا ءسوز قىزمەتىنە سىلتەمە جاساپ.
ەستەرىڭىزگە سالا كەتەيىك، الماتى قالاسىنىڭ «مەكتەپ اۆتوبۋسى» جوباسى قازاقستاندا العاش رەت 2023 جىلى الماتى اكىمى ەربولات دوسايەۆتىڭ تاپسىرماسى بويىنشا ىسكە قوسىلعان بولاتىن.
جوبانىڭ ەكىنشى كەزەڭى اياسىندا اعىمداعى جىلى وقۋشىلاردى تاسىمالداۋ ءۇشىن قوسىمشا 100 اۆتوبۋس ساتىپ الىندى. وسىلايشا، ءقازىر 200 اۆتوبۋستى 51 مەكتەپتە 9 مىڭنان استام بالا تاسىمالدايدى. كەلەسى جىلى جوبانى جالعاستىرىپ، تاعى 100 اۆتوبۋس ساتىپ الۋ جوسپارلانۋدا.
اۆتوبۋستار شالعاي جانە جەتۋ قيىن اۋدانداردا تۇراتىن بالالار وقيتىن مەكتەپتەردەن وتىنىمدەر تۇسكەن سايىن مارشرۋتتارعا شىعادى. بۇل- مەكتەپ اۆتوبۋستارى بولىنەتىن باسىمدىقتاردىڭ ءبىرى. ءار مەكتەپ ءۇشىن وقۋشىلاردىڭ تاسىمالدانۋىن قامتاماسىز ەتۋ ءۇشىن ەگجەي-تەگجەيلى مارشرۋتتىق پاراقتار ازىرلەندى.