كەشە الماتىدا عالىمدار مەن مۇددەلى تاراپتاردىڭ قاتىسۋىمەن «عىلىم جانە تەحنولوگيالىق ساياسات تۋرالى» زاڭدى ىسكە اسىرۋ ماسەلەلەرىنە ارنالعان دوڭگەلەك ۇستەل ءوتتى. بۇل ءىس-شارادا ەلىمىزدەگى عىلىمدى دامىتۋ، عالىمداردىڭ الەۋمەتتىك جاعدايىن جاقسارتۋ جانە عىلىم سالاسىنداعى وزەكتى ماسەلەلەر تالقىلاندى، دەپ حابارلايدى aqshamnews.kz
پرەزيدەنت قاسىم-جومارت كەمەل ۇلى توقايەۆتىڭ باستاماسىمەن ەلىمىزدە عىلىمدى دامىتۋعا كوڭىل بولىنۋدە. عىلىمدى قارجىلاندىرۋ ءۇش ەسەگە ارتتى، ۇلتتىق عىلىم اكادەمياسىنا مەملەكەتتىك مارتەبە بەرىلدى، ارنايى زاڭ قابىلداندى – بۇلار ەلىمىزدە عىلىم سالاسىنىڭ دامۋىنا باعىتتالعان ناقتى شارالاردىڭ ءبىرى بولىپ تابىلادى. پرەزيدەنتتىڭ وسى سالاعا كورسەتىپ جاتقان قولداۋى ەلىمىزدىڭ عىلىمي الەۋەتىن ارتتىرۋعا جانە جاڭا تەحنولوگيالاردى دامىتۋعا مۇمكىندىك تۋعىزىپ وتىر.
شىن مانىندە، عىلىم – مەملەكەتتىڭ باستى اكتيۆتەرىنىڭ ءبىرى. سوندىقتان عىلىمي زەرتتەۋلەر ەلدىڭ وركەندەۋىنە ىقپال ەتۋى قاجەت. بۇل رەتتە جاھاندىق ترەندتەر مەن ەكونوميكالىق ستراتەگيا نازاردان تىس قالماۋعا ءتيىس. سول سەبەپتى، بۇگىندە اگرارلىق عىلىم، ەكولوگيا، سۋ جانە رەسۋرس ۇنەمدەۋ، شيكىزاتتى وڭدەۋ، بالامالى ەنەرگيا كوزدەرىن دامىتۋ سالالارىن جەتىلدىرۋمەن بىرگە، جاساندى ينتەللەكت، بيوتەحنولوگيا، زاماناۋي مەديسينا، گەندىك ينجەنەريا، عارىش سياقتى باعىتتارداعى عىلىمي زەرتتەۋلەردىڭ ءرولى ارتىپ وتىر، دەپ جازدى ماۋلەن اشىمبايەۆ الەۋمەتتىك جەلىدەگى پاراقشاسىندا.
قازىرگى تاڭدا عىلىم تەك ءبىلىمنىڭ كوزى عانا ەمەس، سونىمەن قاتار مەملەكەتتىڭ وركەندەۋىنە ىقپال ەتەتىن باستى فاكتورلاردىڭ ءبىرى بولىپ تابىلادى. وسى ورايدا، اگرارلىق عىلىم، ەكولوگيا، سۋ جانە رەسۋرستاردى ۇنەمدەۋ، شيكىزاتتى وڭدەۋ، بالامالى ەنەرگيا كوزدەرىن دامىتۋ سياقتى سالالاردىڭ دامۋى وتە ماڭىزدى. سونىمەن قاتار، جاساندى ينتەللەكت، بيوتەحنولوگيا، زاماناۋي مەديسينا، گەندىك ينجەنەريا جانە عارىش سالاسىنداعى عىلىمي زەرتتەۋلەردىڭ ءرولى ارتتى.
دوڭگەلەك ۇستەل بارىسىندا عالىمدار وزەكتى ماسەلەلەردى كوتەرىپ، عىلىمدى دامىتۋعا بايلانىستى پىكىرلەرىن ءبىلدىردى. ولار عىلىمي زەرتتەۋلەردىڭ ماڭىزدىلىعىن اتاپ ءوتىپ، ەلىمىزدەگى عىلىم سالاسىنداعى پروبلەمالاردى شەشۋگە قاتىستى ۇسىنىستارىن ۇسىندى. عالىمدار عىلىمي الەۋەتتى ارتتىرۋعا، جاستاردى عىلىمي-زەرتتەۋ جۇمىستارىنا تارتۋعا، سونداي-اق زاماناۋي تەحنولوگيالاردى دامىتۋعا نازار اۋدارۋ قاجەتتىگىن ايتتى.
الماتى قالاسىنداعى ساراپشىلارمەن دە ارنايى كەزدەسۋ ۇيىمداستىرىلدى. كەزدەسۋ بارىسىندا پارلامەنت پەن اناليتيكالىق قوعامداستىق اراسىنداعى ديالوگتىڭ ماڭىزى ەرەكشە اتاپ ءوتىلدى. ساراپشىلارمەن پىكىر الماسۋ زاڭ شىعارۋ پروسەسىن جاقسارتۋعا، سونداي-اق ەلىمىزدە جاڭا تەحنولوگيالاردى دامىتۋ، باسەكەگە قابىلەتتى سيفرلىق ەكونوميكانى قالىپتاستىرۋ ماسەلەلەرىنە سەرپىن بەرەدى.
بارلىق كەزدەسۋلەردە ايتىلعان يدەيالار مەن ۇسىنىستار مۇقيات زەردەلەنىپ، سەناتتىڭ الداعى قىزمەتىندە ەسكەرىلەتىن بولادى. بۇل ءىس-شارالار عىلىم مەن تەحنولوگيالاردىڭ دامۋىنا، ەل ەكونوميكاسىنىڭ باسەكەگە قابىلەتتىلىگىن ارتتىرۋعا زور ۇلەس قوسادى.