الماتىدا ەسىرتكىنى جاسىرىن قويىپ كەتۋمەن اينالىسقان شەتەلدىك ەكى ازامات ۇستالدى، – دەپ حابارلايدى اlmaty-akshamy.kz رolisia.kz-كە سىلتەمە جاساپ.
ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى ارنايى ءىس-شارا بارىسىندا 24 جانە 26 جاستاعى ەكى ءۇندىستان ازاماتىن ۇستادى. ولار پروكوفيەۆ كوشەسىندەگى ۇيلەردىڭ ءبىرىنىڭ اۋلاسىندا ەسىرتكىنى جاسىرىن قويىپ كەتۋمەن اينالىسقان.
– سوت-حيميالىق ساراپتاما قورىتىندىسى بويىنشا كۇدىكتىلەردەن تاركىلەنگەن ورامداردىڭ ىشىندە مەفەدرون ەسىرتكىسى بولعان. ولار قىلمىستارىن مويىندادى. قازىرگى ۋاقىتتا الماتىعا ءشوپتى جەتكىزۋ ارناسى جانە ونى ءوندىرۋدىڭ ىقتيمال جولدارى انىقتالىپ جاتىر. ۇستالعاندار قاماۋعا الىندى. ەسىرتكى ساتۋ دەرەگى بويىنشا سوتقا دەيىنگى تەرگەۋ باستالدى، – دەدى الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
ق ر قك-نىڭ 201-بابىنا سايكەس، وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي، كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.