بۇگىن، 11 شىلدە 5ء-شى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكسياسى «Alageum Electric» كومپانيالار توبىمەن ەكىجاقتى مەموراندۋمعا قول قويدى. مەموراندۋم نەگىزىندە «Alageum Electric» 5ء-شى دۇنيەجۇزىلىك كوشپەندىلەر ويىندارىنىڭ رەسمي باس دەمەۋشىسى بولىپ تانىلدى، دەپ حابارلايدى اlmaty-akshamy.kz.
شاراعا 5ء-شى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكسيا باسشىسى نايل نۇروۆ پەن «Alageum Electric» كت ديرەكتورلار كەڭەسىنىڭ ءتوراعاسى ەركەبۇلان ءىلياسوۆ قاتىستى.
«وتاندىق الپاۋىت كومپانيانىڭ جىلدىڭ ەڭ ماڭىزدى وقيعاسى – 5ء-شى دۇنيەجۇزىلىك كوشپەندىلەر ويىندارىنا قىزىعۋشىلىق تانىتۋى وتاندىق سپورتقا، ونىڭ ىشىندە ۇلتتىق سپورتقا دەگەن جوعارى قۇرمەتتى كورسەتەدى. ءبىز Alageum Electric كومپانياسىنىڭ 5ء-شى دۇنيەجۇزىلىك كوشپەندىلەر ويىندارىنىڭ ءبىر بولىگى بولعانىنا قۋانىشتىمىز»، - دەدى ديرەكسيا باسشىسى نايل نۇروۆ.
ۇلتتىق سپورت تۇرلەرىن قولداۋ جانە ولاردى ودان ءارى دامىتۋ جونىندەگى جۇمىستى جۇيەلەۋ ماقساتىندا 2024 جىلى «ۇلتتىق سپورت تۇرلەرىن قولداۋ قورى» قوعامدىق قورى قۇرىلدى. «ۇلتتىق سپورت قورىنىڭ» باستى ماقساتى: ۇلتتىق سپورت تۇرلەرىن دامىتۋ، سپورتشىلار مەن جاتتىقتىرۋشىلاردى قولداۋ، ۇلتتىق ءداستۇر مەن مادەنيەتتى ناسيحاتتاۋ ءارى ساقتاۋ. ودان بولەك ۇلتتىق سپورت تۇرلەرىنەن وتەتىن جارىستاردىڭ ساپالى وتۋىنە، سپورتشىلارعا قارجىلىق جانە ماتەريالدىق كومەك كورسەتۋگە، جاتتىقتىرۋشىلار مەن تورەشىلەردىڭ بىلىكتىلىگىن ارتتىرۋعا جانە دامۋ باعدارلامالارىن ىسكە اسىرۋعا ىقپال جاساپ، ۇلتتىق سپورت تۇرلەرىن زەرتتەۋ جانە دامىتۋ بويىنشا عىلىمي-زەرتتەۋ جۇمىستارىن اتقارۋ قوردىڭ تىكەلەي قىزمەتى بولادى.
«ءبىزدىڭ كومپانيا ءارقاشان ەلىمىزدىڭ مادەني جانە سپورتتىق ءداستۇرىن قولداۋعا جانە دامىتۋعا ۇمتىلادى. دۇنيەجۇزىلىك كوشپەندىلەر ويىندارىنىڭ باس دەمەۋشىسى مارتەبەسى - بۇل ءبىزدىڭ اعىمداعى جۇمىسىمىزدىڭ جالعاسى دەپ ساناۋعا بولادى. ءبىز حالىقارالىق ارەنادا ءداستۇرلى سپورت تۇرلەرىن ناسيحاتتاۋعا ءوز ۇلەسىمىزدى قوسا الۋىمىزدى ماقتان تۇتامىز»، - دەدى «Alageum Electric» كت ديرەكتورلار كەڭەسىنىڭ ءتوراعاسى ەركەبۇلان ءىلياسوۆ.
«Alageum Electric» ەلەكتروتەحنيكا كومپانياسى قازاقستان رەسپۋبليكاسى تۋريزم جانە سپورت ءمينيسترى ەرمەك مارجىقپايەۆتىڭ تىكەلەي مۇرىندىق بولۋىمەن 5ء-شى دۇنيەجۇزىلىك كوشپەندىلەر ويىندارىن قولداۋعا نيەت ءبىلدىردى. بۇل ماڭىزدى قادام كومپانيانىڭ ۇلتتىق سپورت تۇرلەرىن قولداۋ جانە دامىتۋ جولىنداعى ادالدىعىن، سونىمەن قاتار الەۋمەتتىك جاۋاپكەرشىلىگىن، تامىرىنا جانە حالىقتىڭ تاريحي مۇراسىنا دەگەن قۇرمەتىن كورسەتەدى. ايتا كەتەرلىگى، 8-13 قىركۇيەكتە استانا قالاسىندا ەتنيكالىق سپورت تۇرلەرىنەن وتكىزىلەتىن حالىقارالىق سپورت جارىستارى – 5ء-شى دۇنيەجۇزىلىك كوشپەندىلەر ويىندارى وتەدى. ءىس-شارادا 89 ەلدەن 2000-نان استام قاتىسۋشى بولادى دەپ جوسپارلانۋدا. 5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى - ALAGEUM ELECTRIC، ويىنداردىڭ باس سەرىكتەسى - Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.