ولار الماتى قالاسىنىڭ الاتاۋ اۋدانىندا ورنالاسقان پاتەرىن ءوندىرىس ورنىنا اينالدىرعان، دەپ حابارلايدى aqshamnews.kz.
مۇندا ەرلى-زايىپتىلاردىڭ سينتەتيكالىق ەسىرتكى زاتىن ءوندىرىپ، بولشەك ساۋدا ءۇشىن قاپتاماعا سالعانى بەلگىلى بولدى.
– ەسىرتكى ساتۋشىلاردى ۇستاۋ بويىنشا ارنايى ءىس-شارا الماتى قالاسى بويىنشا ۇقكد قىزمەتكەرلەرىنىڭ كومەگىمەن “قاراسورا” ءىس-شاراسى اياسىندا جۇرگىزىلدى. كۇدىكتىلەر ءۇيدىڭ جانىندا ۇستالدى. ولار كريستالدانعان زاتتى، اق ءتۇستى شوگىندىلەرى بار شىنى ىدىستى جانە اقشانى تاپقان. ال ۇستالعانداردىڭ ءۇيىن ءتىنتۋ كەزىندە زەرتحانالىق جابدىقتار، پرەكۋرسورلاردى ساقتاۋعا ارنالعان شىنى ىدىستار، ماگنيتتىك ارالاستىرعىش، ەلەكتر سورعىلار، شىنى كولبالار، نوۋتبۋكتەر، 265 مىڭ تەڭگە كولەمىندەگى قولما-قول اقشا، ەرەكشە ءيىسى بار وسىمدىك تەكتەس جاسىل زات جانە باسقا دا قۇرالدار تابىلدى جانە تاركىلەندى، – دەپ مالىمەت بەردى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.
سوت-حيميالىق ساراپتاماسىنىڭ قورىتىندىسىنا سايكەس، تاركىلەنگەن زات مەفەدرون ەسىرتكى زاتى بولىپ شىقتى. ەكى كۇدىكتى دە الماتى قالالىق پد-نىڭ ۋاقىتشا ۇستاۋ يزولياتورىنا قامالدى.