سولتۇستىك قازاقستان وبلىسىندا «ۇلى دالا جورىعى» حالىقارالىق مارافونى باستالدى

سولتۇستىك قازاقستان وبلىسىندا «ۇلى دالا جورىعى» حالىقارالىق مارافونى باستالدى ق ر مادەنيەت جانە اقپارات مينيسترلىگى

بۇگىن V دۇنيەجۇزىلىك كوشپەندىلەر ويىنىنىڭ اياسىندا وتكىزىلەتىن «ۇلى دالا جورىعى» حالىقارالىق مارافون-بايگەسى لوبانوۆا اۋىلىندا باستاۋ الدى. مارافون سولتۇستىك قازاقستانداعى بوتاي قونىسىنان باستالىپ، استانادا اياقتالادى، دەپ حابارلايدى aqshamnews.kz.

وعان شەت مەملەكەتتەردەن 10-عا جۋىق شەتەلدىك كوماندا جانە 9 وتاندىق كوماندا قاتىستى. قاتىسۋشىلار 500 شاقىرىمدى ەڭسەرۋى كەرەك.

اتالعان ءىس-شارا شەتەلدىك قاتىسۋشىلارعا كوشپەلى وركەنيەتتىڭ زاماناۋي ۇلگىسىن كورسەتۋگە جانە قازاق مادەنيەتىن ناسيحاتتاۋعا باعىتتالعان. «ۇلى دالا جورىعى» جوباسىنىڭ نەگىزگى ماقساتى – ۇمىت بولا باستاعان جىلقى تۇقىمدارىن قايتا جاڭعىرتۋ. جارىسقا قاراشاي، كاباردين، اراب، تاتار، باشقۇرت، جاڭا قىرعىز تۇقىمدارى قاتىسىپ جاتىر.

«ۇلى دالا جورىعى» مارافون-بايگەسىنىڭ اياسىندا ۇيىمداستىرىلعان ماڭىزدى ءىس-ششارانىڭ ءبىرى – «بوتاي – ۇلى دالا مادەنيەتى» جىلجىمالى كورمەسى. مارافون قاتىسۋشىلارى، كەلگەن قوناقتار بوتاي مادەنيەتىمەن تەرەڭ تانىسىپ، ەنەوليت زامانىنداعى قۇندى تاريحي جادىگەرلەردى تاماشالادى. اتالمىش ءىس-شارانىڭ باعدارلاماسىنا بوتاي كورمەسىنىڭ ەنۋى كەزدەيسوق ەمەس. وسىدان 44 جىل بۇرىن ارحەولوگ-عالىمدار سەنساسيالىق جاڭالىق اشتى. سولتۇستىك قازاقستان جەرىندە قامبار اتا تۇلىگى ەڭ العاش قولعا ۇيرەتىلگەن دەگەن تۇجىرىم جاسادى.

ءسىزدىڭ رەاكسياڭىز؟
ۇنايدى
1
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

23:30

18:59

18:00

17:41

17:27

17:13

16:50

16:49

16:31

16:16

16:05

15:59

15:37

15:19

15:02

14:43

14:38

14:31

13:09

13:05

13:00

12:45

12:27

12:10

11:55