الماتىدا ەسىرتكى زەرتحاناسى جويىلدى

كۇدىكتى رەتىندە 23 جاستاعى جىگىت ۇستالدى.

جەدەل مالىمەتتەرگە سايكەس، ول جالعا العان ۇيىندە ەسىرتكى زەرتحاناسىن ۇيىمداستىرعان، دەپ حابارلايدى almaty-akshamy.kz Polisia.kz-كە سىلتەمە جاساپ. 

تۇرعىن ءۇيدى ءتىنتۋ كەزىندە وسىمدىك تەكتەس زاتى بار پوليەتيلەن بايلامدارى، ءيىسى بار ۇنتاق زات، قاباتتاساتىن ماگنيتتى ارالاستىرعىش، ەلەكتروندى تارازىلار، شىنى ىدىستار، تارەلكالار، پروبيركالار، پرەكۋرسورلارى بار بايلامدار، سۇيىقتىعى بار بوتەلكەلەر، شيكىزاتى بار كانيسترلەر جانە باسقا دا زەرتحانالىق قۇرال-جابدىقتار تابىلدى جانە تاركىلەندى.  قاسكوي وزىمەن بىرگە تۇراتىن ايەلدىڭ جانە كامەلەتكە تولماعان ءىنىسىنىڭ كوزىنشە قىلمىستىق ارەكەتتى جاساعان.

– كۇدىكتى اۋىر قىلمىس جاساعانىن مويىندادى. ول قاماۋعا الىندى، — دەدى، الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباي.

ساراپتاما قورىتىندىسىنا سايكەس، تاركىلەنگەن زاتتار سينتەتيكالىق مەفەدرون ەسىرتكى زاتى. اتالعان فاكتى بويىنشا قىلمىستىق ءىس قوزعالدى. ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.