«قازاقستان رەسپۋبليكاسىنىڭ ۇلتتىق بانكى» رمۋ الماتى قالالىق فيليالى 2024 جىلعى 24 شىلدە «ەستە قالاتىن وقيعالار مەن ءبىرتۋار ادامدار» سەرياسىنان QANYSH SÁTBAEV. 125 JYL كوللەكسيالىق مونەتاسىنىڭ ساتىلۋى تۋرالى حابارلايدى.
«ەستە قالاتىن وقيعالار مەن ءبىرتۋار ادامدار» سەرياسىنان QANYSH SÁTBAEV. 125 JYL كوللەكسيالىق مونەتاسىن ساتۋ ۇلتتىق بانكتىڭ https://kazcoins.nationalbank.kz ينتەرنەت-دۇكەنى ارقىلى جۇزەگە اسىرىلادى، دەپ حابارلايدى almaty-akshamy.kz «قازاقستان رەسپۋبليكاسىنىڭ ۇلتتىق بانكى» رمم الماتى قالالىق فيليالىنا سىلتەمە جاساپ.
قانىش ساتبايەۆ – كەڭەستىك گەولوگ-عالىم، عىلىم جانە قوعام قايراتكەرى، پروفەسسور، قازاق كسر عىلىم اكادەمياسىنىڭ تۇڭعىش پرەزيدەنتى.
نومينالى 2 000 تەڭگەلىك مونەتادا مارگانەس رۋداسىنىڭ، مينەرالدىڭ ءتۇسىن بىلدىرەتىن كۇرەڭ قىزىل تۇسكە يە تانتال ساقيناسى بار. بۇل ءىرى كەن ورنىن ق. ساتبايەۆ جەزدى اۋىلىنىڭ ماڭىندا تاۋىپ، يگەرگەن. مارگانەس ۇلى وتان سوعىسى كەزىندە بروندى تەحنيكاعا ارنالعان بولات قورىتپالارى وندىرىسىندە كەڭىنەن قولدانىلىپ، كسرو-عا مارگانەس كەنىنىڭ 70%-دان استامىن بەرىپ وتىرعان
مونەتالار:
- بيكولورلى (ديسكىسى – 925/1000 سىنامالى كۇمىستەن، ماسساسى 34 گرامم، ساقيناسى – تانتالدان، ماسساسى 40 گرامم)، مونەتانىڭ ماسساسى – 74 گرامم، ديامەترى – 50 مم، ساپاسى – proof، نومينالى – 2 000 تەڭگەلىك، تارالىمى – 300 (ءۇش ءجۇز) دانا؛
بيكولورلى مونەتانىڭ بەينەسى
- مەلحيور قوسپاسىنان (من 25) دايىندالعان مونەتانىڭ ماسساسى – 15 گرامم، ديامەترى – 33 مم، ساپاسى – brilliant uncirculated، نومينالى – 200 تەڭگەلىك، تارالىمى – 5000 (بەس مىڭ) دانا.
مەلحيوردان دايىندالعان مونەتانىڭ بەينەسى
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانۋعا، سونداي-اق ەلدىڭ بارلىق بانكىندە بانك شوتتارىنا ەسەپكە الىنۋعا، اۋدارۋعا، ۇساقتالۋعا جانە ايىرباستالۋعا جاتادى.
كوللەكسيالىق مونەتالار قازاقستان تەڭگە سارايىندا دايىندالدى.
پايدالانۋشى ءۇشىن «قازاقستان مونەتالارى» ءموبيلدى قوسىمشاسى دا جۇمىس ىستەيتىنىن ەسكە سالا كەتەيىك. وندا مونەتالارعا قىسقاشا سيپاتتاما بەرىلىپ، سەريالار بويىنشا تاقىرىپتىق بولىمدەرگە بولىنگەن. ياعني، قۇب شىعاراتىن مونەتالار تۋرالى اقپارات تولىقتاي قامتىلعان. جەكەلەگەن مونەتالار بويىنشا بەينەروليكتەرگە، مونەتالاردىڭ 3D-سۋرەتتەرىنە، سونداي-اق تولىقتىرىلعان شىنايىلىق ەلەمەنتتەرىنە سىلتەمە بەرىلگەن.
ءموبيلدى قوسىمشانى PlayMarket پەن AppStore دۇكەندەرىنەن جۇكتەپ الۋعا بولادى