الماتى قالاسىنىڭ اۋەزوۆ اۋدانىندا پاترۋلدىك پوليسيا قىزمەتكەرلەرى عيمارات قابىرعالارىنا ەسىرتكى جارناماسىن سالدى دەگەن كۇدىكپەن 35 جاستاعى ەر ادامدى ۇستادى، – دەپ حابارلايدى aqshamnews.kz Polisia.kz-كە سىلتەمە جاساپ.
ۇستالعان كەزدە ەر ادام ەسىرتكىلىك ماساڭ كۇيدە بولعان، بۇل دەرەك مەديسينالىق كۋالاندىرۋ ارقىلى راستالدى. ەسىرتكى زاتتارىن جارنامالاۋ دەرەگى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى.
ەسىرتكى جارناماسىن ورنالاستىرۋ — بۇل ءازىل نەمەسە ۇساق قۇقىق بۇزۋشىلىق ەمەس، قىلمىستىق جاۋاپكەرشىلىك قاراستىرىلعان اۋىر قۇقىق بۇزۋشىلىق. مۇنداي ارەكەتتەر ءۇشىن زاڭمەن قاتاڭ جازا كوزدەلگەن. پوليسيا وسىنداي قۇقىققا قارسى ارەكەتتەردىڭ الدىن الۋ جانە جولىن كەسۋ بويىنشا جۇيەلى جۇمىس جۇرگىزۋدە. ازاماتتاردى جاۋاپكەرشىلىك تانىتىپ، ەسىرتكى جارناماسى بار جازۋلار تۋرالى دەرەۋ پوليسياعا حابارلاۋعا شاقىرامىز، دەدى اۋەزوۆ اۋداندىق پوليسيا باسقارماسىنىڭ باستىعى دانيار مەڭدەبايەۆ.