ايەلدەردى تۇرمىستىق زورلىق-زومبىلىقتان قورعاۋ پوليسيا بولىمشەسىنىڭ قۇرىلعانىنا - 25 جىل.
وسى كۇنگە وراي الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ قىزمەتتە ەرەكشە كوزگە تۇسكەن ينسپەكتورلاردى ماراپاتتادى.
«بۇل بولىمشە قىزمەتكەرلەرىنىڭ باستى مىندەتتەرىنىڭ ءبىرى – ايەلدەردىڭ كونستيتۋسيالىق قۇقىقتارى مەن بوستاندىقتارىن قورعاۋ، تۇرمىستىق زورلىق-زومبىلىقتىڭ الدىن الۋ، ايەلدەرگە قاتىستى زاڭسىز ارەكەتتەردىڭ جولىن كەسۋ. پوليسيا قىزمەتىنىڭ بۇل سالاسى مەملەكەت باسشىسى قاسىم-جومارت توقايەۆتىڭ ەرەكشە باقىلاۋىندا. تۇرمىستىق زورلىق-زومبىلىق ءۇشىن جازالار قاتايتىلىپ، ونى انىقتاۋدىڭ نىساندارى مەن ادىستەرى جەتىلدىرىلدى. سونىمەن قاتار ق ر پرەزيدەنتىنىڭ تاپسىرماسى بويىنشا ىشكى ىستەر ورگانى جۇيەسىندە تۇرمىستىق زورلىق-زومبىلىققا قارسى مامانداندىرىلعان قىزمەت قۇرىلادى. الماتىدا قوسىمشا شتات ءبولىنىپ، بولىمشەنىڭ ماتەريالدىق-تەحنيكالىق جاراقتاندىرىلۋى قامتاماسىز ەتىلدى»، – دەدى ارىستانعاني زاپپاروۆ.
سونداي-اق سپيكەر، ارىپتەستەرىن اتاۋلى مەرەكەلەرىمەن قۇتتىقتاپ، قىزمەتتىك بورىشىن جانقيارلىقپەن جانە ابىرويمەن اتقارۋعا شاقىردى.
«ءبىز وسكەلەڭ ۇرپاققا قوعامداعى جانە وتباسىنداعى مىنەز-قۇلىقتىڭ دۇرىس ۇلگىسىن كورسەتۋگە مىندەتتىمىز. ەندەشە، جاستاردى تاربيەلەۋدە قانداي ۇلگى-ونەگە باسىم بولاتىنىن ءبىزدىڭ جۇمىسىمىزدىڭ ساپاسى انىقتايدى»، – دەدى الماتى قالاسىنىڭ باس پوليسەيى.