ق ر مەملەكەتتىك ورتالىق مۋزەيىندە ەرەكشە ءبىلىم بەرۋ قاجەتتىلىگى بار بالالار مەن جاسوسپىرىمدەرگە، بالالار ۇيلەرىنە جانە از قامتىلعان وتباسىلاردان شىققان بالالارعا ارنالعان «بۇلاق» اتتى ۇيىرمە جۇمىسى باستالدى، دەپ حابارلايدى Almaty-akshamy.kz.
«بۇلاق – بۇل تازا سۋ تىرشىلىك كوزى. ول ءشولىڭدى قاندىرادى، ءومىرىڭدى نارلەندىرەدى جانە ءبىزدىڭ كۇشىمىزدى جاڭارتادى. سونىمەن، ۇيىرمەدەگى ساباقتار بالالارعا رۋحاني جانە شىعارماشىلىق تۇرعىدان دامۋعا، الەۋمەتتەنۋگە، تاپسىرمالاردى دايەكتى ورىنداۋعا، زەيىندى، ينتەللەكتتى، قيالدى، رەاكسيا جىلدامدىعى مەن تاباندىلىقتى، سونداي-اق ساۋساقتاردىڭ ۇساق موتوريكاسىن دامىتۋعا مۇمكىندىك بەرەدى دەپ ۇمىتتەنەمىز.
«بايتەرەك – استانا سيمۆولى» العاشقى ساباعىنا «ءسابي تىلەگى» قوعامدىق قورىنىڭ بالالارى شاقىرىلدى. سلايدتىڭ كومەگىمەن بالالارعا استانانىڭ قالىپتاسۋى، ونىڭ كورىكتى جەرلەرى تۋرالى ايتىلدى، ولاردىڭ اراسىندا بايتەرەك قازاقستاننىڭ بولاشاق وركەندەۋىنە دەگەن ۇمتىلىسىنىڭ سيمۆولى بولىپ تابىلادى. سودان كەيىن جاس ۇيىرمەشىلەر ولەڭ وقىپ، «بايتەرەك» اپپليكاسياسىن جاساپ، لوگوريتميكانى ورىندادى. سونداي-اق، بۇلدىرشىندەرىمىز ءۇشىن مۋزەي زالدارى بويىنشا ەكسكۋرسيا جۇرگىزىلدى.
«بۇلاق» ۇيىرمە ساباعى ءار بەيسەنبى سايىن ءوتىپ تۇرادى.