الماتى قالالىق موبيلدىلىك باسقارماسى №88، №123 جانە №125 مارشرۋتتاردىڭ سحەمالارىنا وزگەرىستەر ەنگىزىلگەنىن مالىمدەدى، دەپ حابارلايدى Almaty-akshamy.kz.
المالى اۋدانى تۇرعىندارىنىڭ وتىنىشتەرى بويىنشا 5 قاراشادان باستاپ № 88 مارشرۋتتىڭ قوزعالىسىنىڭ سحەماسى وزگەرتىلەدى.
ەندى ول باتىس زيراتىنان مومىش ۇلى كوشەسىنىڭ بويىمەن ءجۇرىپ ءوتىپ، سودان كەيىن رىسقۇلوۆ كوشەسىمەن سولعا قاراي بۇرىلادى: رىسقۇلوۆ ك-سى - ساين ك-سى - رايىمبەك داڭع. - اۋەزوۆ ك-سى - گوگول ك-سى - قونايەۆ كوش. سودان كەيىن رايىمبەك داڭعىلىنا بۇرىلىپ، جانگەلدين كوشەسىنىڭ بويىمەن ماقاتايەۆ كوشەسىنە دەيىن باارادى (سوڭعى پۋنكت - كوك بازار)، سودان كەيىن قونايەۆ كوشەسىنە شىعىپ، ودان ءارى سحەما بويىنشا كەرى باعىتتا جۇرەتىن بولادى.
سونىمەن قاتار، 7 قاراشادان باستاپ №123 جانە №125 مارشرۋتتاردىڭ قوزعالىس سحەماسى وزگەرتىلەدى.
№123 مارشرۋت ەندى سەيفۋللين داڭعىلىنان شيەۆچەنكو كوشەسىمەن ماناس كوشەسىنە دەيىن بارادى. ال كەرى باعىتتا وزگەرىسسىز.
№125 مارشرۋت ەندى بەكبولات كوشەسىنە سولتۇستىك اينالما جولدان شىعىپ، وجەت-سولتۇستىك شاعىن اۋدانىنا دەيىن قوزعالىپ، كەرى بۇرىلىپ، قاراكوز كوشەسىنە دەيىن، ءارى قاراي كەرى باعىتتا سحەما بويىنشا جۇرەتىن بولادى. كەرى باعىتتا دا وجەت-سولتۇستىك شاعىن اۋدانىنا كىرۋمەن قوزعالادى.
