الماتىدا ەر ادام ساتقان كولىگىن ءوزى ۇرلاپ كەتكەن، - دەپ حابارلايدى aqshamnews.kz ءتىلشىسى Polisia.kz-كە سىلتەمە جاساپ.
الماتى قالاسىنىڭ كريمينالدىق پوليسيا قىزمەتكەرلەرى جول تالعامايتىن اۆتوكولىكتىڭ ۇرلانۋ دەرەگىن اشتى. قىلمىس مۇقيات جوسپارلانعانىمەن، پوليسەيلەردىڭ جەدەل ءارى ۇيلەسىمدى ارەكەتتەرىنىڭ ارقاسىندا كۇدىكتى انىقتالىپ، قولعا ءتۇستى.
كولىكتىڭ بۇرىنعى يەسى، 1982 جىلى تۋعان ەر ادام، ءۇش جىل بۇرىن اۆتوكولىگىن ساتقان، الايدا قوسالقى كىلتىن وزىندە الىپ قالعان. كەيىن ول جەكە پايدانى كوزدەپ، كولىكتىڭ قازىرگى تۇرعان ورنىن انىقتاپ، قوسالقى كىلت ارقىلى ۇرلىق جاساعان.
قىلمىس ءىزىن جاسىرۋ ءۇشىن كۇدىكتى الدىن الا دايىندالعان: بەتپەردە، اۋىستىراتىن كيىم ساتىپ الىپ، ۇرلىقتان كەيىن سىرت كەلبەتىن وزگەرتىپ، بەينەباقىلاۋ كامەرالارىنا ءتۇسىپ قالماۋعا تىرىسقان. ۇرلانعان كولىك قالانىڭ شەتىنە جاسىرىلعان، كەيىننەن ونى پوليسيا قىزمەتكەرلەرى تاپتى.
"قىلمىس قانشالىقتى مۇقيات جوسپارلانسا دا، جاۋاپكەرشىلىكتەن قۇتىلۋ مۇمكىن ەمەس. زاڭدى بۇزعان ءاربىر ادام ونىڭ جازاسىز قالمايتىنىن ءبىلۋى كەرەك. كۇدىكتىگە قاتىستى سوتالدى تەرگەۋ جۇرگىزىلىپ جاتىر. ول ءوز كىناسىن مويىنداپ، جاۋاپ بەرىپ جاتىر. اۆتوكولىك تاركىلەندى"، – دەدى، الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.