دوستىق داڭعىلى مەن جولداسبەكوۆ كوشەسىنىڭ قيىلىسىندا وڭتۇستىك باعىتتا قوزعالىپ كەلە جاتقان پوليسيانىڭ جىلدام قيمىلدايتىن ارنايى جاساعىنىڭ قىزمەتكەرلەرى ەلەكترساموكاتتان شىققان ءورتتى بايقاپ، دەرەۋ ارەكەت ەتتى، - دەپ حابارلايدى Aqshamnews.kz Polisia.kz-كە سىلتەمە جاساپ.
پوليسەيلەر جەدەل تۇردە وتتى وقشاۋلاپ، ونىڭ تارالۋىنا جول بەرمەدى. بولىمشەنىڭ بىرنەشە جاۋىنگەرى وقيعا ورنىنا جاقىن ماڭدا جۇرگەن ازاماتتاردى ءقاۋىپسىز جەرگە شىعارىپ، ادامداردىڭ قاۋىپسىزدىگىن قامتاماسىز ەتتى.
- قىزمەتكەرلەرىمىز جاعدايعا سايكەس ارەكەت ەتتى - ەڭ باستىسى، ءورتتىڭ تارالۋىنا جول بەرمەۋ جانە ادامداردىڭ قاۋىپسىزدىگىن قامتاماسىز ەتۋ بولدى. جەدەل ءارى ۇيلەسىمدى جۇمىستىڭ ارقاسىندا جاعداي تولىقتاي باقىلاۋعا الىندى، - دەدى الماتى قالاسى پوليسيا دەپارتامەنتىنىڭ جقاج كومانديرى ازامات يسەرگۋجين.
ءورت تولىق ءسوندىرىلدى، زارداپ شەككەن ازاماتتار جوق.