جۇمىس ساپارى اياسىندا الماتى اكىمىنىڭ ورىنباسارى بەيبىت شاحانوۆ حالىقارالىق اۋەجاي ماڭىنداعى ءبىرقاتار تۇرعىن ءۇي كەشەنىنىڭ قۇرىلىس بارىسىن تەكسەردى.
تەكسەرۋ بارىسىندا «Bastion» تۇرعىن ءۇي كەشەنىنىڭ قۇرىلىسى ازاماتتىق اۆياسيا سالاسىنداعى ۋاكىلەتتى ورگانداردىڭ كەلىسىمىنسىز جانە رۇقساتسىز جۇرگىزىلىپ جاتقانى انىقتالدى.
«قولدانىستاعى زاڭناما تالاپتارىنا سايكەس، اۋەايلاققا جاقىن ايماقتاردا جانە بەلگىلەنگەن كۇزەت اۋماعى راديۋسىندا عيماراتتاردىڭ قاباتىنا شەكتەۋلەر قويىلادى. وسى ايماقتا سالىنىپ جاتقان بارلىق نىسان ءتيىستى كەلىسىم الۋعا مىندەتتى. مۇنداي قۇجاتسىز ءبىز قۇرىلىستى توقتاتامىز، قاجەت بولعان جاعدايدا سۇرىلەدى»، — دەدى بەيبىت شاحانوۆ.
سونداي-اق، «Dream City Tech» تۇرعىن ءۇي كەشەنىنىڭ قۇرىلىس الاڭىندا قۇرىلىس سالۋشىنىڭ قاسبەتتى كەلىسىمسىز قاپتاي باستاعانى بەلگىلى بولدى.
قالا اكىمىنىڭ ورىنباسارى «شىعىس قاقپاسى» پوليورتالىعىنداعى بارلىق قۇرىلىس نىسانىنىڭ ساۋلەتتىك كەلبەتى بەكىتىلگەن ءبىرىڭعاي تۇجىرىمداماعا قاتاڭ ساي بولۋعا ءتيىس ەكەنىن ايتتى.
بۇل زاڭبۇزۋشىلىقتارعا بايلانىستى اتالعان نىسانداردا بارلىق قۇرىلىس جۇمىسىن مىندەتتى كەلىسىم مەن رۇقسات الىنعانعا دەيىن توقتاتۋ تۋرالى شەشىم قابىلداندى.