الماتى قالاسى اكىمىنىڭ ورىنباسارى بەيبىت شاحانوۆ ازاماتتاردى جەكە قابىلداپ، قۇرىلىس جانە جەر قاتىناستارى سالاسىنا قاتىستى تۇرعىنداردىڭ ءوتىنىشىن قارادى.
اتاپ ايتقاندا، Pine Hill كلۋب ۇلگىسىندەگى تۇرعىن ءۇي كەشەنىنىڭ ۇلەسكەرلەرى نىساننىڭ ءارى قارايعى قۇرىلىسىنا قاتىستى ماسەلە كوتەردى. قازىرگى تاڭدا تۇرعىن ءۇي كەشەنىنە قوسىمشا قاباتتار سالۋ مۇمكىن ەمەس، سەبەبى ءتيىستى رۇقسات قۇجاتتارى مەن ينجەنەرلىك جەلىلەرگە قوسىلۋعا ارنالعان تەحنيكالىق شارتتار جوق. ايتا كەتۋ كەرەك، بۇعان دەيىن قالا قۇرىلىسىن باقىلاۋ باسقارماسىنىڭ تالاپ-ارىز جۇمىستارىنىڭ ناتيجەسىندە زاڭسىز سالىنعان قابات سۇرىلگەن.
سونىمەن قاتار، قابىلداۋعا كەلگەن ازاماتتار جەر ۋچاسكەلەرىنىڭ نىسانالى ماقساتىن وزگەرتۋ، مەملەكەتتىك قاجەتتىلىك ءۇشىن جەردى الىپ قويۋ جانە وزگە دە ماسەلەلەر بويىنشا جۇگىندى.
تۇسكەن بارلىق ءوتىنىش بويىنشا بەيبىت شاحانوۆ قولدانىستاعى زاڭناما اياسىندا تۇسىندىرمە بەردى. سالالىق باسقارمالار مەن جاۋاپتى قالالىق قىزمەتتەرگە قوسىمشا تەكسەرۋ جۇرگىزىپ، نىساندارعا جەرگىلىكتى جەردە زەردەلەۋ جۇمىستارىن ۇيىمداستىرۋ تاپسىرىلدى.