الماتىدا قازاقستاننىڭ كورنەكتى مەملەكەت جانە قوعام قايراتكەرى دىنمۇحامەد قونايەۆتى ەسكە الۋ كۇنى ءوتتى.
ەسكە الۋ كۇنى اياسىندا كەڭساي زيراتىندا قۇران وقىلىپ، ونىڭ قالا ورتالىعىندا ورنالاسقان بيۋستىنە گۇل شوقتارى قويىلدى. شاراعا د. قونايەۆتىڭ تۋىستارى مەن جاقىندارى، الماتى قالاسى اكىمىنىڭ ورىنباسارى ا. قىرىقبايەۆ، قوعام وكىلدەرى، قالا تۇرعىندارى قاتىستى، دەپ حابارلايدى اlmaty-akshamy.kz.
ءدال وسى كۇنى د. قونايەۆ مۋزەيىندە جاڭارعان ەكسپوزيسيا بويىنشا ەكسكۋرسيا ءوتتى. ماماندار كورنەكتى مەملەكەت قايراتكەرىنىڭ 110 جىلدىق مەرەيتويى اياسىندا مۋزەيدى قالپىنا كەلتىرۋ جۇمىستارىن جۇرگىزگەن بولاتىن.
ەسكە سالساق، ونىڭ اشىلۋى رەستاۆراسيادان سوڭ اعىمداعى جىلدىڭ 19 ساۋىرىندە بولعان ەدى. اتالعان جۇمىسقا ەلىمىزدەگى مۋزەي جانە ارحيۆ سالاسىنىڭ جەتەكشى ماماندارى، ديزاينەرلەر، مۇسىنشىلەر، سۋرەتشىلەر، ۆيدەوينجەنەرلەر، ت.ب. تارتىلدى. جۇمىس بارىسىندا جوبانىڭ تۇجىرىمداماسى مەن ەسكيزى د.ا. قونايەۆتىڭ حالىقارالىق قورىمەن كەلىسىپ، ازىرلەندى.
