6 ايدا الماتىدا موپەدتەر مەن ەلەكتروساموكاتتاردىڭ قاتىسۋىمەن 77 جول-كولىك وقيعاسى تىركەلىپتى.
الماتىدا 114 موپەد جۇرگىزۋشىسىنە ءبىر تاۋلىكتە 700 مىڭ تەڭگە كولەمىندە ايىپپۇل سالىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇرىن حابارلانعانداي، كوكتەم، جاز كەزىندە الماتى پوليسياسى جەكەلەگەن كولىك تۇرلەرىنىڭ قوزعالىسىن قاداعالاۋدى كۇشەيتەدى، بۇل قالاداعى جول-كولىك وقيعالارىنا دا اسەر ەتەدى. ماسەلە التەرناتيۆتى كولىك تۋرالى بولىپ وتىر، ونىڭ ىشىنە موپەد، موتوسيكل، سكۋتەر، ساموكات جانە تاعى باسقالارى كىرەدى.
«جازعى كەزەڭنىڭ باستالۋىمەن موپەدتەر مەن ەلەكتروساموكاتتاردى تىزگىندەۋشىلەردىڭ سانى ارتتى جانە سونىڭ سالدارىنان ولاردىڭ قاتىسۋىمەن بولاتىن جقە بۇزۋ سانى دا كوبەيدى. ستاتيستيكالىق مالىمەتتەرگە سۇيەنسەك، ءموبيلدى كولىكتەردىڭ قاتىسۋىمەن بولعان جول-كولىك وقيعالارىنىڭ سانى 4 ەسەگە ارتقان. بالامالى كولىك تۇرلەرىن پايدالاناتىن ادامداردىڭ ق ر جقە بۇزۋ دەرەكتەرىن انىقتاۋ بويىنشا جۇمىس كۇشەيتىلدى. ماسەلەن، الدىن الۋ ءىس-شاراسىنىڭ ءبىر كۇنىندە الدىڭعى شەپتەگى بولىمشەلەر، موپەد جۇرگىزۋشىلەرى جاساعان ق ر جقە بۇزۋدىڭ 114 دەرەگىن انىقتادى. قۇقىق بۇزۋشىلار اقبتك-نىڭ 615-بابى 1-بولىگى بويىنشا اكىمشىلىك جاۋاپكەرشىلىككە تارتىلدى. ايىپپۇلدىڭ جالپى سوماسى 698 مىڭ 364 تەڭگەنى قۇرادى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
سپيكەردىڭ ايتۋىنشا، بيىلعى جىلدىڭ 6 ايىندا الماتىدا موپەدتەر مەن ەلەكتروساموكاتتاردىڭ قاتىسۋىمەن 77 جول-كولىك وقيعاسى تىركەلىپ، سالدارىنان 81 ادام جاراقات السا، تاعى بىرەۋى قايتىس بولدى. ساموكات پەن سكۋتەردە بالالاردىڭ قاتىسۋىمەن 21 جكو تىركەلىپ، سالدارىنان 23 بالا جاراقات الدى.