كوڭىل ايتۋ جول-كولىك اپاتتارىنان كوپ ادامنىڭ قازا تابۋى مەن ءبىرقاتار ازاماتتىڭ اۋىر جاراقات الۋىنا بايلانىستى.
مەملەكەت باسشىسى تۇركيا پرەزيدەنتى رەدجەپ تاييپ ەردوعانعا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz
قاسىم-جومارت توقايەۆ تۇركيانىڭ ماردين جانە گازيانتەپ پروۆينسيالارىنداعى جانتۇرشىگەرلىك جول-كولىك اپاتتارىنان كوپ ادامنىڭ قازا تابۋى مەن ءبىرقاتار ازاماتتىڭ اۋىر جاراقات الۋىنا بايلانىستى پرەزيدەنت رەدجەپ تاييپ ەردوعانعا كوڭىل ايتۋ جەدەلحاتىن جولدادى.
«وسىنداي قيىن ساتتە قايعى-قاسىرەتتەرىڭىزگە ورتاقتاسىپ، بارشا قازاقستاندىقتىڭ جانە جەكە ءوزىمنىڭ اتىمنان سىزگە جانە جاقىندارىنان ايىرىلعان وتباسىلارعا، سونداي-اق باۋىرلاس تۇرىك حالقىنا قايعىرا كوڭىل ايتامىن. مارقۇمداردىڭ اللا تاعالانىڭ شاپاعاتىنا بولەنۋىن، زارداپ شەككەندەردىڭ تەز ارادا ساۋىعىپ كەتۋىن تىلەيمىن»، – دەپ جازىلعان پرەزيدەنتتىڭ جەدەلحاتىندا.