الماتىدا ءدىني راديكاليزم مەن ەكسترەميزمنىڭ الدىن الۋ ماقساتىندا ۋاعىز ايتۋ مادەنيەتى مەن بىرىزدىلىگىن قالىپتاستىرۋعا ارنالعان سەمينار ءوتتى.
بيىل 28 شىلدەدە الماتىنىڭ باس يمامى تولەبي وسپان قالالىق ورتالىق مەشىتتە يمام-ۇستازدارعا ارنالعان «ۋاعىز ايتۋ ادەبى مەن مادەنيەتى» تاقىرىبىندا سەمينار وتكىزدى. بۇل تۋرالى قازاقستان مۇسىلماندارى ءدىني باسقارماسىنىڭ الماتى قالالىق وكىلدىگىنىڭ باسپا ءسوز قىزمەتى حابارلادى.
سەمينار بارىسىندا تولەبي وسپان الماتى مەشىتتەرىندەگى ۋاعىز جۇمىسىنىڭ ءبىرىزدى بولۋىنىڭ ماڭىزدىلىعىن جانە ءدىني قۇندىلىقتاردى دۇرىس جەتكىزۋدىڭ قاجەتىن اتاپ ءوتتى.
نايب يمام قۋانىش ابىشيەۆ الەۋمەتتىك جەلىلەردەگى ۋاعىز ايتۋ ادىستەمەسى تۋرالى ايتىپ بەرسە، باسپا ءسوز حاتشىسى گۇلزيرا جيدەباي ءدىني ۋاعىز ۇلگىسىن جۇيەلەۋ جايىندا بايانداما جاسادى.
سونىمەن قاتار، باس يمام باق-پەن جۇمىس ىستەيتىن يمامدارعا سۇحبات بەرۋدە جانە تۇرعىنداردىڭ سۇراقتارىنا جاۋاپ بەرۋ بارىسىندا قمدب-نىڭ ءپاتۋالارىنا سۇيەنۋدى تاپسىردى.