اقتاۋدا كوپقاباتتى ۇيدەن قۇلاپ كەتكەن ايەل ادام قوقىس كونتەينەرىنىڭ ىشىنە باسىمەن ءتۇسىپ كوز جۇمعان، دەپ حابارلايدى اlmaty.tv ءتىلشىسى Lada.kz-كە سىلتەمە جاساپ.
وقيعا كۋاگەرلەرىنىڭ ايتۋىنشا، قايعىلى وقيعا اقتاۋدىڭ 27-شاعىناۋدانىنداعى №4 ۇيدە بولعان.
«29 شىلدەدە كەشكى ساعات 19:00 شاماسىندا قاتتى سوققىنىڭ دىبىسى ەستىلگەن. كەيىننەن توعىز قاباتتى تۇرعىن ءۇيدىڭ كىرەبەرىسىنىڭ الدىندا تۇرعان قوقىس كونتەينەرىنە ايەل ادامنىڭ قۇلاپ كوز جۇمعانى انىقتالعان»، - دەلىنگەن حابارلامادا.
كورشىلەردىڭ ايتۋىنشا، مارقۇمنىڭ ۇستىندە قىزمەتتىك فورماعا ۇقسايتىن كيىم – قارا ءتۇستى كولگوتكي مەن قويۋ كوك ءتۇستى كويلەك بولعان. ول قۇقىق قورعاۋ ورگاندارىنىڭ نەمەسە باسقا دا مەملەكەتتىك قىزمەتتەردىڭ وكىلى بولۋى مۇمكىن دەگەن بولجام بار. ءقازىر بۇل اقپارات ناقتى تەكسەرىلىپ جاتىر.
«وقيعانىڭ ءمان-جايىن انىقتاۋ ماقساتىندا تەرگەۋ ءجۇرىپ جاتىر. ماڭعىستاۋ وبلىستىق پوليسيا دەپارتامەنتى قازىرشە رەسمي تۇسىنىكتەمە بەرگەن جوق»، - دەلىنگەن حابارلامادا.