"باعاناشىل" بالالار ءۇيىنىڭ تاربيەلەنۋشىلەرى ءوز ورتالىعى اۋماعىندا تۇرىپ، الماتى قالاسىندا ءبىلىم الۋىن جالعاستىرادى. قازىرگى تاڭدا الماتى قالاسى مەن الماتى وبلىسىنىڭ اكىمدىكتەرى نىساندى قالانىڭ قاراماعىنا بەرۋ جۇمىستارىن جۇرگىزىپ جاتىر، دەپ حابارلايدى اqshamnews.kz.
"تاربيەلەنۋشىلەرگە زاماناۋي ءارى ءقاۋىپسىز جاعداي جاساۋ ماقساتىندا بالالار ءۇيىنىڭ عيماراتىنا كەشەندى قايتا جاڭعىرتۋ جۇمىستارى جوسپارلانىپ وتىر. ايتا كەتەرلىگى، بۇل تەحنيكالىق زەرتتەۋ، جوبالاۋ-سمەتالىق قۇجاتتاما دايىنداۋ، مەملەكەتتىك ساراپتامادان وتكىزىپ، ءتيىستى كونكۋرستىق راسىمدەردەن وتكەننەن كەيىن عانا كەلەسى جىلى باستالادى" دەلىنگەن حابارلامادا.
سونداي-اق، جوندەۋ-قالپىنا كەلتىرۋ جۇمىستارى كەزىندە بالالاردى ۋاقىتشا ورنالاستىرۋ ماسەلەسى قاۋىپسىزدىك تالاپتارى مەن قاجەتتى تۇرمىس جاعدايىن ەسكەرىلە وتىرىپ شەشىلەدى. بالالار بىر-بىرىنەن بولىنبەيدى.
تاربيەلەنۋشىلەر الماتى قالاسىنداعى ءقازىر وزدەرى وقىپ جۇرگەن مەكتەپتە ءبىلىم الۋىن جالعاستىرادى. بالالار ءۇيىنىڭ عيماراتىنان بالالاردى قونايەۆ قالاسىنا كوشىرۋ ماسەلەسى قاراستىرىلىپ جاتقان جوق.
بالالاردىڭ قاۋىپسىزدىگى مەن جايلى ءومىر ءسۇرۋ جاعدايىن قامتاماسىز ەتۋ الماتى قالاسى اكىمدىگىنىڭ جانە وقۋ-اعارتۋ مينيسترلىگىنىڭ باستى نازارىندا. بالالاردىڭ وقۋى مەن تۇرمىس جايى ءاردايىم ءجىتى باقىلاۋدا بولادى.