الماتىدا 1 تامىزدان باستاپ تۇرعىندار جىلۋ جانە ىستىق سۋمەن جابدىقتاۋ بويىنشا قارىزىن ءوسىمپۇلسىز وتەي الادى.
الماتىدا «الماتى جىلۋ جۇيەسى» ج ش س «قارىزدى تولە – ءوسىمپۇلدى الىپ تاستايمىز!» اتتى اكسيانى باستايدى. باستاما جىلۋ جانە ىستىق سۋ ءۇشىن بەرەشەگىن وتەۋگە نيەتتى تۇتىنۋشىلارعا ايىپپۇلسىز تولەۋگە مۇمكىندىك بەرەدى.
اكسيا 2025 جىلى 1 تامىزدان 31 جەلتوقسانعا دەيىن جالعاسادى جانە مىناداي مۇمكىندىكتەر بەرەدى: ءوسىمپۇلدان ۇنەمدەۋ، مۇلىككە قويىلعان شەكتەۋلەر مەن تىيىمداردى الىپ تاستاۋ، قارىزى ءۇشىن سانكسيا سالىنعان بورىشكەرلەردىڭ بانك شوتتارىن بۇعاتتان شىعارۋ.
اكسياعا قاتىسۋ ءۇشىن قاجەتتى قۇجاتتار تۋرالى مالىمەتتى بورىشكەر الجج انىقتاما قىزمەتىنەن مىنا تەلەفون ارقىلى بىلە الادى: 341-07-77؛ WhatsApp: +7 (701) 027-11-20 (تەك حابارلاما قابىلدايدى)؛ ەلەكتروندى پوشتا: info@alts.kz نەمەسە تۇتىنۋشىلارعا قىزمەت كورسەتۋ ورتالىقتارىنىڭ (تقكو) بىرىنە بارىپ الا الادى.
تقكو مەكەنجايلارى مەن بايلانىس دەرەكتەرى:
* «باتىس» تقكو (الاتاۋ، اۋەزوۆ، ناۋرىزباي اۋداندارىنا قىزمەت كورسەتەدى) – «اقساي-4» شاعىناۋدانى، 51-ب، تەلەفوندارى: 341-05-30، 341-05-31، WhatsApp: +7 (701) 300-70-69، ە-mail: batys@alts.kz؛
* «ورتالىق» تقكو (المالى، بوستاندىق اۋداندارى) – ش.شوكين كوشەسى، 221-ۆ، تەلەفوندارى: 341-05-28، 341-05-29، WhatsApp: +7 (701) 300-70-65، ە-mail: ortalyc@alts.kz؛
* «شىعىس» تقكو (جەتىسۋ، مەدەۋ، تۇركسىب اۋداندارىنا قىزمەت كورسەتەدى) – تولەبايەۆ كوشەسى، 26، تەلەفوندارى: 341-05-32، 341-05-33، WhatsApp: +7 (701) 300-70-54، ە-mail: shygis@alts.kz.
قارىز تولەنبەگەن جاعدايدا بورىشكەرلەر جىلۋمەن جابدىقتاۋ قىزمەتىنەن اجىراتىلىپ، قارىز سوماسى سوت ارقىلى وندىرىلەدى.