«Almaty Business – 2025» وڭىرلىك كاسىپكەرلىكتى قولداۋ باعدارلاماسى اياسىندا «الماتى» اكك» اق ەنشىلەس ۇيىمى «Almaty Finance» ج ش س «KELET Machine-Building Plant» جشس-نە ەلىمىزدە تۇڭعىش رەت قۇبىرلى ەلەكتر جىلىتقىشتار ءوندىرىسىن ىسكە قوسۋ ءۇشىن 500 ملن تەڭگە كولەمىندە قارجى ءبولدى. قارىزدىڭ سىياقى مولشەرلەمەسى جىلىنا 6% (جتسم)، نەسيەلەۋ مەرزىمى - 5 جىل.
كومپانيا ءوز قارجىسى ەسەبىنەن جەتىسۋ اۋدانىنداعى وندىرىستىك كورپۋستى كۇردەلى جوندەۋدەن وتكىزىپ، بيزنەس-جوسپار ازىرلەدى. قارىزعا الىنعان قاراجات ونىمدەردىڭ بەتىن دايىنداپ، ۇنتاقتى بوياۋ جانە كەپتىرۋ جۇمىستارىنا ارنالعان يتالياندىق قوندىرعىنى جانە بوياۋ جەلىسىن ساتىپ الۋعا جۇمسالادى.
ءوندىرىستى جاڭعىرتۋ «كەلەت» اق-نىڭ ەنشىلەس كاسىپورنىنا قازاقستانداعى ءىرى ماشينا جاساۋ زاۋىتتارىنىڭ بىرىنە جىلىنا 1 ملن داناعا دەيىن قۇبىرلى ەلەكتر جىلىتقىشتاردى جاپپاي شىعارۋعا مۇمكىندىك بەرەدى. جوبا وتاندىق ءوندىرىس كولەمىن ارتتىرىپ، يمپورتقا تاۋەلدىلىكتى ازايتىپ، ەنەرگيا ۇنەمدەيتىن جابدىق تۇرلەرىن كوبەيتۋگە جانە ەكسپورتتىق الەۋەتتى نىعايتۋعا جول اشادى.
جاڭا وندىرىستىك جەلىنى ىسكە قوسۋمەن قاتار، قولدانىستاعى بوياۋ جەلىسى دە جاڭعىرتىلادى. بۇل جاڭارتۋ تۇستەردى اۋىستىرۋ ۋاقىتىن قىسقارتىپ، بوياۋ شىعىنىن ازايتىپ، سۋ جىلىتقىشتار، كالوريفەرلەر، ەلەكتر كونۆەكتورلارى مەن گاز قازاندىقتارىن شىعارۋ قارقىنىن ارتتىرۋعا سەپتىگىن تيگىزەدى.
«جوبانى ىسكە اسىرۋ ارقىلى ەنەرگيا ۇنەمدەيتىن جابدىقتار سەگمەنتىندەگى وتاندىق ءونىمنىڭ ۇلەسى ارتىپ، 20 تۇراقتى جۇمىس ورنى اشىلادى جانە الداعى 5 جىلدا بيۋدجەتكە 800 ملن تەڭگەدەن استام سالىق ءتۇسىمىن قامتاماسىز ەتەدى»، — دەدى «Almaty Finance» ج ش س باسقارما ءتوراعاسى بەرىك قۇسايىنوۆ.
ءوندىرىس كەلەسى جىلدىڭ ناۋرىز ايىندا ىسكە قوسىلادى دەپ جوسپارلانىپ وتىر.