2025 جىلدىڭ قىركۇيەك ايىنان باستاپ الماتىلىقتار ونكوسكرينينگتەردەن تەگىن وتە الادى. بۇعان دەيىن بۇل قىزمەتتى الۋ ءۇشىن «ساقتاندىرىلعان» ستاتۋسى قاجەت بولاتىن، دەپ حابارلايدى اqshamnews.kz. بۇل تۋرالى الماتى قالاسىنىڭ №6 قالالىق ەمحانا ديرەكتورى گۇلشاحيرا كامباروۆا مالىمدەدى.
ايتا كەتسەك، ونكوسكرينينگتەردىڭ قولجەتىمدى بولۋى مىندەتتى الەۋمەتتىك مەديسينالىق ساقتاندىرۋ تۋرالى زاڭناماعا ەنگىزىلگەن وزگەرىستەردىڭ ارقاسىندا مۇمكىن بولدى. سونىمەن قاتار، الەۋمەتتىك ماڭىزى بار 8 اۋرۋدى دياگنوستيكالاۋ مەن ەمدەۋ دە تولىقتاي تەگىن بولادى.
سكرينينگ ارقىلى قانداي سىرقاتتاردى انىقتاۋعا بولادى؟
• جاتىر موينى وبىرىن ەرتە انىقتاۋ – 30-70 جاس ارالىعىنداعى ايەلدەر
• ءسۇت بەزى وبىرىن ەرتە انىقتاۋ – 40-70 جاس ارالىعىنداعى ايەلدەر
• كولورەكتالدى وبىردى ەرتە انىقتاۋ – 50-70 جاس ارالىعىنداعى ەرلەر مەن ايەلدەر
سكرينينگتەن ءوتۋ جيىلىگى قانداي؟
سكرينينگتىك زەرتتەۋلەردىڭ كەي ءتۇرى بەس جىل سايىن، كەيبىرى – ەكى نەمەسە ءتورت جىل سايىن جاسالادى. مىسالى، ءسۇت بەزى ىسىگى مەن كولورەكتالدى وبىرعا 2 جىلدا 1 رەت، ال جاتىر موينى وبىرىنا – 4 جىلدا 1 رەت تەكسەرىلۋ قاجەت.
سكرينينگتىك باعدارلاماعا قانداي قىزمەتتەر كىرەدى؟
ايەلدەر جاتىر موينى وبىرىنا تىركەلگەن ەمحانا ارقىلى تەكسەرىلەدى. اكۋشەر-گينەكولوگ، ونكولوگ پەن ماممولوگ سىندى ماماندار كەڭەسىنە جۇگىنىپ، ۋدز، مامموگرافيا سىندى تەكسەرۋلەردەن وتە الادى. سونىمەن قاتار، ءسۇت بەزى وبىرىنىڭ الدىن الۋ ءۇشىن ۆيدەوكولپوسكوپيا نەمەسە كولپوسكوپيا، پاپ-تەست، پۋنكسيالىق بيوپسيا مەن گيستولوگيالىق زەرتتەۋلەرگە تاپسىرۋعا بولادى.
كولورەكتالدى وبىردىڭ الدىن الۋعا ارنالعان تەكسەرۋلەردەن ەرلەر دە، ايەلدەر دە ءوتۋى ءتيىس. پروفيلاكتيكالىق ءىس-شارالار بارىسىندا ولار حيرۋرگ، ونكولوگ، گاستروەنتەرولوگ پەن پروكتولوگ مامانداردان كەڭەس الادى. سونداي-اق، ۇلكەن دارەتتەگى جاسىرىن قاندى تەكسەرۋ ماقساتىندا شۇعىل ادىسپەن گەموكۋلت-تەست تاپسىرادى، جالپى ۆيدەوكولونوسكوپيۋ، ەندوسكوپيالىق بيوپسيا جانە گيستولوگيالىق تەكسەرۋلەردەن وتۋگە بولادى.
سكرينينگ وتكەننەن كەيىن نە ىستەيمىز؟
سكرينينگتىك زەرتتەۋدەن وتكەن پاسيەنتتەر دەنساۋلىعىنان اقاۋ تابىلعان جاعدايدا سالالىق مامانداردىڭ كونسۋلتاسيا