سالتانات نۇكەنوۆانىڭ ولىمىنە قاتىستى ءىس بويىنشا سوتتالعان باقىتجان بايجانوۆتىڭ راقىمشىلىق جاساۋ تۋرالى ءوتىنىشى قاناعاتتاندىرىلدى، - دەپ حابارلايدى اqshamnews.kz ءتىلشىسى Massaget.kz-كە سىلتەمە جاساپ.
ستەپنوگورسك قالالىق سوتى "ق ر كونستيتۋسياسىنىڭ وتىز جىلدىعىنا بايلانىستى راقىمشىلىق جاساۋ تۋرالى" زاڭدى قولدانىپ، سوتتالعان ب.-نىڭ جازاسىن وتەۋ مەرزىمىن قىسقارتۋ تۋرالى قاج مەكەمەسىنىڭ ۇسىنىسىن قارادى.
"سوت 2024 جىلعى 13 مامىردا ب. ق ر قك 432-بابى بويىنشا ءتورت جىلعا سوتتالعانىن انىقتادى. سوت سوتتالعان ب.-عا قاتىستى ۇسىنىستى مىناداي نەگىزدەر بويىنشا قاناعاتتاندىردى: ق ر قك 78-بابىنىڭ 2-بولىگىنە سايكەس اۋىر نەمەسە اسا اۋىر قىلمىس جاساعانى ءۇشىن سوتتالعان ادامدارعا جازا مەرزىمى قىسقارتىلۋى مۇمكىن. "قازاقستان رەسپۋبليكاسى كونستيتۋسياسىنىڭ وتىز جىلدىعىنا بايلانىستى راقىمشىلىق جاساۋ تۋرالى" زاڭعا سايكەس نەگىزگى جازانىڭ وتەلمەگەن بولىگىنىڭ مەرزىمى نەمەسە مولشەرى زالال وتەلگەن جاعدايدا نە ولار بولماعان كەزدە اۋىر قىلمىستار بويىنشا ۇشتەن بىرىنە قىسقارتىلادى"، - دەپ جازىلعان سوت حابارلاماسىندا.
سوت ۇكىمىمەن ب.-دان ءوندىرىپ الىنعان ءماجبۇرلى تولەم جانە ءىس جۇرگىزۋ شىعىندارى تولىق كولەمدە وتەلگەن.
سوت قاۋلىسىمەن ب.-نىڭ جازا مەرزىمىن قىسقارتۋ تۋرالى ۇسىنىس قاناعاتتاندىرىلدى.
"ق ر كونستيتۋسياسىنىڭ وتىز جىلدىعىنا بايلانىستى راقىمشىلىق جاساۋ تۋرالى" زاڭعا سايكەس جازا مەرزىمىنىڭ وتەلمەگەن بولىگى قىسقارتىلىپ، تۇپكىلىكتى 1 جىل 4 اي 17 كۇنگە باس بوستاندىعىنان ايىرۋ مەرزىمى بەلگىلەندى.
سوت اكتىسى زاڭدى كۇشىنە ەنگەن جوق.
ايتا كەتەيىك، بايجانوۆ بيىل 9 شىلدەدە ستەپنوگورسك اۋداندىق سوتىنا جۇگىنگەن بولاتىن.