الماتى اكىمدىگى قالالىق ورتانى اباتتاندىرۋعا الەۋمەتتىك جاۋاپتى بيزنەستى تارتۋ باعىتىندا جۇيەلى جۇمىستى جالعاستىرىپ كەلەدى. جوبا اياسىندا «سەليننىي» زاماناۋي مادەنيەت ورتالىعىنىڭ جانىنداعى احمەت بايتۇرسىن ۇلى اتىنداعى سكۆەردى جاڭارتۋ جۇمىستارى باستالادى.
باستاماعا «اتس-گالەرەيا» جشس-گى قولداۋ ءبىلدىرىپ، بارلىق جۇمىستى ءوز قاراجاتى ەسەبىنەن قارجىلاندىرادى.
اباتتاندىرۋ جۇمىستارى زاماناۋي جانە تابيعاتقا زيان كەلتىرمەيتىن ەكولوگيالىق ادىستەر ارقىلى جۇرگىزىلەدى. بارىنشا تابيعي لاندشافت پەن قولدانىستاعى جاسىل جەلەك ساقتالىپ، اۋماق كوگالداندىرىلادى. جايلى جاياۋ جۇرگىنشىلەر جولدارى سالىنىپ، شاعىن ساۋلەت پىشىندەرى مەن زاماناۋي ەنەرگيا ۇنەمدەيتىن جارىقتاندىرۋ جۇيەسى ورناتىلادى. سونداي-اق، دەمالىسقا ارنالعان جايلى ايماقتار ۇيىمداستىرىلىپ، سۋدى ۇنەمدەپ پايدالانۋدى ينتەللەكتۋالدى تۇردە باقىلايتىن اۆتوماتتى سۋارۋ جۇيەسى قوسىلادى.
ا.بايتۇرسىن ۇلى اتىنداعى سكۆەردى اباتتاندىرۋ جوباسى ونىڭ تاريحي ماڭىزىن ساقتاي وتىرىپ، تازا اۋادا سەرۋەندەپ، تىنىعىپ، ەمىن-ەركىن جۇزدەسۋگە جايلى ورتا قالىپتاستىرۋدى ماقسات ەتەدى.
جوبا جۇزەگە اسقاننان كەيىن اۋماقتىڭ ەكولوگيالىق جاعدايى جاقسارادى: شۋدىڭ جانە جىلۋ جۇكتەمەسىنىڭ دەڭگەيى تومەندەپ، اۋا ساپاسى ارتادى، تابيعي تەپە-تەڭدىك ساقتالادى. الماتى قالاسىنىڭ اكىمدىگى قوعامدىق كەڭىستىكتەردى دامىتۋدى جالعاستىرا وتىرىپ، تۇرعىندار ءۇشىن جايلى ورتاسىن قۇرۋعا جالعاستىرادى.