الەۋمەتتىك جەلىدە جۇماگەلدييەۆ پەن باسقالاردىڭ قىلمىستىق ءىسى بويىنشا سوت پروسەسىنە ادۆوكاتتاردىڭ كىرۋىنە تىيىم سالىنعانى تۋرالى اقپارات تارادى.
الماتى سوتى ديكيي ارماننىڭ ادۆوكاتتارىنىڭ اقپاراتىن جوققا شىعاردى، دەپ حابارلايدى Almaty-akshamy.kz
قالالىق سوتتىڭ Facebook-تەگى پاراقشاسىندا جاريالانعان مالىمەت بويىنشا، پروسەسكە قاتىسۋشىلارعا تومەندەگىدەي اقپارات بەرىلدى:
- سوتقا قاتىسۋشىلاردىڭ بارلىعىنا 72 مەكەمەنىڭ عيماراتىنا ءوتۋ ورنى، كىرۋ جانە بارۋ مارشرۋتى تۋرالى الدىن الا حابارلاندى.
- ءبىرقاتار ادامدار سوتتالۋشىلار اكەلىنەتىن قىزمەتتىك ەسىك ارقىلى وتپەك بولعان. ولارعا مەكەمەنىڭ باس باقىلاۋ بەكەتى ارقىلى كىرۋ سحەماسى قوسىمشا ءتۇسىندىرىلدى.
- سوت وتىرىسى اشىق رەجيمدە ءوتىپ جاتقاندىقتان، نوۋتبۋك، پلانشەت جانە باسقا قۇرىلعىلاردى پايدالانۋعا تىيىم سالىنعان جوق. تەرگەۋ يزولياتورىنىڭ اۋماعىندا ۇيالى بايلانىس قىزمەتى شەكتەلگەندىكتەن، قۇرىلعىلاردى پايدالانۋدا تەحنيكالىق كەدىرگىلەر بولۋى مۇمكىن.
- 72-مەكەمەنىڭ عيماراتى ەرەكشە قورعالاتىن نىسان بولعاندىقتان، اۋماققا كىرۋ كەزىندە جەكە باسىن كۋالاندىراتىن قۇجاتتار قاتاڭ تەكسەرىلەدى.
سوت ىسىنە Almaty-akshamy.kz تىلشىلەرى دە قاتىسىپ وتىر، الداعى ۋاقىتتا سوت زالىنان حابار تاراتامىز، قۇلاعدار بولىڭىزدار!