الماتىدا سەيفۋللين-جانسۇگىروۆ بويىنداعى جولايرىعى جۇمىستارى 2024 جىلدىڭ سوڭىنا دەيىن اياقتالادى، دەپ حابارلايدى almaty-akshamy.kz
اۋەزوۆ اۋدانى تۇرعىنىنىڭ سۇراعى: ساين، سەيفۋللين كوشەلەرىن قولعا الىڭىز. ويتكەنى اۆتوبۋسپەن ولاردىڭ بويىمەن ۇزاق جۇرەسىڭ. ءتىپتى، ۆوكزالعا ارەڭ جەتەسىڭ.
- ءبىز مارشرۋتتاردى دۇرىس قۇرۋ جانە ولاردى قالانىڭ مۇمكىندىكتەرىنە سايكەس وڭتايلى ەتۋ ءۇشىن جۇمىس ىستەپ جاتىرمىز. مەن الماتىنىڭ موبيلدىلىك باسقارماسىنىڭ باستىعىنا ساين كوشەسى بويىمەن ۆوكزالعا قالا كولىكتەرىمەن جەتۋگە قاتىستى تاپسىرما بەرەمىن. سەيفۋللين كوشەسىندە ءبىز جۇمىستى باستادىق، ونىڭ ىشىندە سەيفۋللين-رايىمبەك قيىلىسىندا. ال بىزدە سەيفۋللين-جانسۇگىروۆ بويىنداعى جولايرىعىنىڭ قۇرىلىسى ءالى بىتكەن جوق. بارلىق جۇمىستار اياقتالعان سوڭ، كولىكپەن ءجۇرۋ دە وڭاي بولادى. جولايرىعىنىڭ قۇرىلىسىن كەلەسى جىلدىڭ سوڭىنا دەيىن اياقتايمىز، - دەدى الماتى اكىمى ەربولات دوسايەۆ.
- ءبىز الماتىنىڭ 2040 جىلعا دەيىنگى باس جوسپارىندا كوزدەلگەن قالانىڭ كولىك قۇرىلىمىن ازىرلەۋدى باستادىق. ءبىز تاڭەرتەڭ دە، كەشكە دە ساين كوشەسىندەگى جۇكتەمەگە قاتىستى ماسەلەنى قاراستىرامىز. كولىك قۇرىلىمى نەگىزىندە ءبىز وسى ماسەلەنى شەشۋ ءۇشىن وزگەرىستەر ەنگىزەمىز، - دەپ جاۋاپ بەردى موبيلدىلىك باسقارماسىنىڭ باسشىسى ساعىندىق تەلىبايەۆ.