الىپ شاھار الماتى ءۇشىن ەكولوگيانى جاقسارتۋ ماڭىزدى مىندەتتەردىڭ ءبىرى. سوندىقتان جاسىل جەلەكتەردى كۇتىپ-باپتاۋعا ەرەكشە كوڭىل بولىنەدى.
دەگەنمەن بۇل ەڭبەكتى ەش ەتكەندەر دە بار، دەپ حابارلايدى Almaty-akshamy.kz.
24.kz حابارلاۋىنشا، 14 قازان كۇنى پوليسياعا سولتۇستىك اينالما كوشەسىنىڭ بويىنا وتىرعىزىلعان جاسىل جەلەكتەردى قاساقانا جويۋعا قاتىستى ارىز تۇسكەن. تەرگەپ تەكسەرۋ بارىسىندا وسى ىسكە قاتىسى بار دەگەن ەكى كۇدىكتى ۇستالدى. ءبىرى 38 جاستاعى جەتىسۋ وبلىسىنىڭ تۇرعىنى. ول بۇعان دەيىن ەسىرتكىمەن ۇستالىپ ءىستى بولعان. ەكىنشى ازامات 31 جاستا.
«ولار زاڭسىز ارەكەتتەر جاساعانىن مويىندادى. قىلمىستىڭ ناقتى سەبەبى تەرگەۋ بارىسىندا انىقتالادى»،-دەدى پوليسيا.
«جاپىراقتى كوشەتتەردى زاڭسىز جويعان ەكى ازامات انىقتالىپ، ولار قك 340-بابى 3-تارماعى بويىنشا قىلمىستىق جاۋاپكەرشىلىككە تارتىلدى. قازىرگى تاڭدا ەكى سەزىكتى ءوز كىنالارىن تولىق مويىندادى. جاساعان ىس-ارەكەتتەرىنىڭ ناقتى سەبەپتەرى انىقتالىپ، قازىرگى تاڭدا ماتەريالدىق شىعىندى وتەۋگە باعىتتالعان ءىس-شارالار جۇرگىزىلۋدە»، - دەيدى قالالىق پد رەسمي وكىلى سالتانات ازىربەك.