كەلەر جىلى 175 مىڭ ءجاسوسپىرىم قىز پاپيللوما ۆيرۋسىنا قارسى ەگىلەدى.
ۆاكسينالاۋ ۇلتتىق ەكپە كەستەسىنە ەنگىزىلدى، دەپ حابارلايدى Almaty-akshamy.kz.
بۇل تۋرالى بۇگىن دەنساۋلىق ساقتاۋ مينيسترلىگى حابارلادى. ەكپە ەكى كەزەڭنەن تۇرادى. ءبىرىنشىسى قىز بالا 11 جاسقا تولعاندا، ەكىنشىسى ءبىر جىلدان كەيىن جاسالادى. ۆاكسينالاۋ اتا-اناسىنىڭ رۇقساتىمەن عانا جۇرگىزىلەدى. "ادام پاپيللوما ۆيرۋسى" جاتىر موينى قاتەرلى ىسىگىن تۋدىراتىن قوزدىرعىش. سوندىقتان الەمنىڭ 130-عا جۋىق مەملەكەتىندە وسى ۆيرۋسقا قارسى ەكپە تۇراقتى تۇردە جۇرگىزىلەدى.
سونىڭ ىشىندە گرۋزيا، تۇركىمەنستان، ارمەنيا، وزبەكستان جانە قىرعىزستان ەلدەرى بار. ال بىزدە 2013-2015 جىلدارى استانا، اقتوبە، پاۆلودار، الماتى وڭىرلەرىندە پيلوتتىق باعدارلاما ەنگىزىلىپ، ۆاكسينا سالىندى. سول كەزەڭدە 17 مىڭنان استام قىز بالاعا ءبىرىنشى دوزاسى ەنگىزىلدى. ۆاكسينالاۋدى تولىق، ياعني ەكى بولىگىن 11 مىڭنان استام قىز بالا قابىلدادى. "10 جىلدان كەيىن پيلوتتىق جوبا وڭ ناتيجە بەردى" دەيدى ماماندار.
«بىزدە 11 جاستاعى قىز بالالار ەكى دوزالى 4 ۆالەنتتى گارداسيل ۆاكسيناسىن ەنگىزۋ وسى 2024 جىلدان باستاپ ەنگىزىلەدى. 11 جاستان باستاپ قابىلدايدى مەكتەپتە. ۇيىمداستىرۋ جۇمىستارى جۇرگىزىلەدى، تۇسىندىرەدى. تەگىن. ەكىنشى دوزاسى 12 ايدان كەيىن. ون جىل ىشىندە ەۋروپادا دامىعان ەلدەردە ءوز ناتيجەلەرىن بەردى. ەشقانداي بەدەۋلىك اكەلگەن جوق. ۆيرۋس ورگانيزمگە ەنگەنگە دەيىن جاساعانىمىز دۇرىس. ويتكەنى بالا جىنىستىق قاتىناسقا تۇسكەنگە دەيىن جاساساق، دەنەسىندە انتيدەنەلەر پايدا بولادى»، - دەيدى ق ر عىلىمي زەرتتەۋ ينستيتۋتىنىڭ جوعارى ساناتتاعى ونكوگينەكولوگى تولقىن سادىقوۆا.
«قازاقستان ۇكىمەتىنىڭ جاتىر موينى قاتەرلى ىسىگىنە قاتىستى پروبلەمانى مويىنداپ، ۆاكسينالاۋعا دايىندىق جۇرگىزىپ جاتقانىنا العىس بىلدىرەمىز. ءقازىر بۇل دەرتپەن كۇرەستە، ادام پاپيللوما ۆيرۋسىنا قارسى ەكپە جاساۋ وتە ماڭىزدى. وسى ناۋقان بارىسىندا بارلىق اقپارات حالىققا قولجەتىمدى بولۋ كەرەك. ەگەر اتا-انالاردا نەمەسە بالانىڭ جاقىندارىندا سۇراق تۋىنداسا، دارىگەرلەر مەن مەديسيسنا ماماندارى وعان جاۋاپ بەرىپ، جۇيەلى جۇمىس جۇرگىزگەنى ابزال. مىسالى اۆستراليادا ادام پاپيللوما ۆيرۋسىنا قارسى ەكپە 20 جىل بۇرىن باستالدى. سودان بەرى ول وڭىردە تۋعان بىردە ءبىر ايەلدە جاتىر موينى قاتەرلى ىسىگى انىقتالعان جوق»، - دەيدى ددسۇ ەۋروپالىق ايماقتىق بيۋروسى، دەنساۋلىق ساقتاۋدى ساقتاندىرۋ باعدارلامالارى ءبولىمىنىڭ ايماقتىق كەڭەسشى سيددارتا داتتا.