الماتىدا بۇرىنعى اۋدان اكىمى جاۋاپكەرشىلىككە تارتىلدى

ول مەملەكەتتىك ساتىپ الۋلاردى جۇرگىزۋ بارىسىندا زاڭ بۇزۋشىلىققا جول بەرگەن. 

الماتى قالاسىنىڭ پروكۋراتۋراسى مەملەكەتتىك ساتىپ الۋدى ۇيىمداستىرۋ بارىسىندا جەرگىلىكتى اتقارۋشى ورگاندار جىبەرەتىن زاڭ بۇزۋشىلىقتاردى انىقتادى، دەپ حابارلايدى Almaty-akshamy.kz.

مىسالى، مەملەكەتتىك ساتىپ الۋعا قاتىسۋشىلاردا سايكەس رۇقساتتىڭ بولۋىنا قاراماستان، تاپسىرىس بەرۋشى  ولاردىڭ كونكۋرستىق وتىنىمدەرىن نەگىزسىز كەرى قايتارعان، ەگەر ولار كونكۋرسقا جىبەرىلگەندە، 100 ملن. تەڭگەدەن استام بيۋدجەت قاراجاتىن ۇنەمدەۋگە بولاتىن ەدى.

كورسەتىلگەن قۇقىق بۇزۋشىلىقتار ءۇشىن بۇرىنعى اۋدان اكىمىنە 9.2 ملن. تەڭگە اكىمشىلىك ايىپپۇل سالىنىپ، اكىمشىلىك جاۋاپكەرشىلىككە تارتىلدى.

سونىمەن قاتار قالا اكىمدىگىنىڭ قۇرىلىمدىق بولىمشەلەرىنىڭ باسشىلارىنا 43.3 ملن. تەڭگەگە 161 اكىمشىلىك ايىپپۇل سالىنىپ، اكىمشىلىك جاۋاپكەرشىلىككە تارتىلدى.

باسقا جاعدايدا، تاپسىرىس بەرۋشىلەردىڭ ءبىرى كونكۋرس جاريالاۋ كەزىندە تاۋارلاردى، جۇمىستاردى جانە قىزمەتتەردى بىرتەكتى تۇرلەرى مەن ولاردى جەتكىزۋ ورنى بويىنشا بولمەگەن، وسىلايشا ءىرى كاسىپكەرلەرگە ارتىقشىلىق بەرە وتىرىپ، شاعىن جانە ورتا كاسىپكەرلىكتىڭ الەۋەتتى ءونىم بەرۋشىلەرىن كونكۋرسقا قاتىسۋدان شەكتەگەن.

پروكۋراتۋرانىڭ قاداعالاۋ اكتىسى بويىنشا كونكۋرستىڭ كۇشى جويىلدى جانە مەملەكەتتىك ساتىپ الۋعا قاتىساتىن الەۋەتتى ءونىم بەرۋشىلەردىڭ تەڭ شارتتارى ساقتالۋىنا سايكەس قايتا وتكىزىلدى.

جالپى، 2024 جىلدىڭ باسىنان باستاپ پروكۋرورلاردىڭ اكتىلەرى بويىنشا 10 ملرد. تەڭگەدەن استام سوماعا كونكۋرستار توقتاتىلدى.