بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانبايەۆ ماجىلىستە وتكەن دوڭگەلەك ۇستەل وتىرىسىندا ايتتى، دەپ حابارلايدى اlmaty-akshamy.kz.
"ەكولوگيا مينيسترلىگى ونەركاسىپ جانە قۇرىلىس مينيسترلىگىمەن بىرلەسىپ "ە-قۇرىلىس" اقپاراتتىق جۇيەسىن كۇشەيتۋ اياسىندا قالدىقتاردى تۇزۋشىلەردىڭ (قۇرىلىس كومپانيالارىنىڭ) قۇرىلىس قالدىقتارىنىڭ قوزعالىسىن باقىلاۋ تەتىگىن پىسىقتاپ جاتىر. قالدىقتاردىڭ پايدا بولۋ كولەمى جانە ارنايى كاسىپورىندارمەن قاتتى تۇرمىستىق قالدىقتاردى شىعارۋ بويىنشا شارتتاردىڭ بولۋى تۋرالى مالىمەتتەردى وسى جۇيەدە كورسەتۋ ۇسىنىلادى. بۇگىندە نورماتيۆتىك تەحنيكالىق قۇجاتتارعا وزگەرىستەر ەنگىزىلىلىپ جاتىر. مەملەكەت باسشىسىنىڭ تاپسىرماسىنا سايكەس اكىمدىكتەرمەن بىرلەسىپ قۇرىلىس قالدىقتارىن جيناۋ الاڭدارىن ۇيىمداستىرۋ جانە قايتا وڭدەۋ بويىنشا قۋاتتاردى ۇلعايتۋ جۇمىستارى جۇرگىزىلۋدە"، - دەدى ۆەدومستۆو باسشىسى.
سوزىنشە، 19 وڭىردە بۇل جۇمىس جولعا قويىلدى جانە اباي، اقتوبە، جامبىل، جەتىسۋ، ماڭعىستاۋ، تۇركىستان، ۇلىتاۋ وبلىستارىندا جول كارتالارى ازىرلەندى.
ەرلان نىسانبايەۆ ازاماتتار مەن بيزنەس سۋبەكتىلەرىنىڭ ساناسىن ارتتىرۋ ماقساتىندا بەلگىلەنگەن ورىنداردان تىس جەرلەردە قوقىس شىعارعانى ءۇشىن ايىپپۇل مولشەرىن ۇلعايتۋ ماسەلەسى قاراستىرىلىپ جاتقانىن ايتتى.
"ەكولوگيا مينيسترلىگى بەلگىلەنگەن ورىنداردان تىس جەردە قوقىس شىعارعانى ءۇشىن ايىپپۇلداردى ۇلعايتۋدى كوزدەيتىن اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر ازىرلەدى. مىسالى، جەكە تۇلعالار ءۇشىن 50 اەك-تەن 200 اەك-كە دەيىن، ال شاعىن كاسىپكەرلىك سۋبەكتىلەرى نەمەسە كوممەرسيالىق ەمەس ۇيىمدار ءۇشىن 100 اەك-تەن 750 اەك-كە دەيىن، ورتا كاسىپكەرلىك سۋبەكتىلەرى ءۇشىن 100 اەك-تەن 1000 اەك-كە دەيىن، ءىرى كاسىپكەرلىك سۋبەكتىلەرى ءۇشىن 100 اەك-تەن 2000 اەك-كە دەيىن. اقبتك-دەگى وسى تۇزەتۋلەر "قازاقستان رەسپۋبليكاسىنىڭ كەيبىر زاڭنامالىق اكتىلەرىنە استانانى جانە رەسپۋبليكالىق ماڭىزى بار قالالاردى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" ق ر زاڭىنىڭ جوباسى شەڭبەرىندە كوزدەلگەن، ول بۇگىندە قوعامدىق تىڭداۋدان ءوتتى جانە كورسەتىلگەن تۇزەتۋلەر بويىنشا رەتتەۋشىلىك اسەرگە تالداۋ جۇرگىزىلەدى"، - دەپ اتاپ ءوتتى مينيستر.
ۆەدومستۆو باسشىسىنىڭ دەرەگىنشە، بىلتىر قالدىقتاردى كومۋ وبەكتىلەرى بويىنشا 29 تەكسەرۋ جۇرگىزىلىپ، شامامەن 10 ملن تەڭگە مولشەرىندە ايىپپۇل سالىنعان.