الماتى قالاسى سپورت باسقارماسىنىڭ باسشىسى دارحان نۇرحان ۇلى وڭىرلىك كوممۋنيكاسيالار قىزمەتى الاڭىندا جۋرناليستەر الدىندا ءسوز سويلەپ، قالاداعى سپورتتىق ينفراقۇرىلىمنىڭ قازىرگى جاعدايى، ينۆەستيسيالىق جوبالاردىڭ جۇزەگە اسۋى مەن بۇقارالىق ءارى كاسىبي سپورتقا ارنالعان نىسانداردى دامىتۋدى كوزدەيتىن جوسپارلارى تۋرالى باياندادى.
قازىرگى تاڭدا الماتى قالاسىندا 3 638 سپورت نىسانى جۇمىس ىستەيدى، سپورتتىق ينفراقۇرىلىممەن قامتىلۋ دەڭگەيى 54،6%-دى قۇرايدى.
«سپورت زالدارى 78،3% قامتىلسا دا، ءالى دە 39،5 مىڭ شارشى مەتردەي الاڭ تاپشى بولىپ وتىر، ءجۇزۋ باسسەيندەرى بويىنشا كورسەتكىش 31% جانە ونداعى تاپشىلىق 39،2 مىڭ شارشى مەتردەي بولادى»، – دەدى دارحان نۇرحان ۇلى.
«بۇل دەرەك بىزدە ءالى دە داميتىنداي مۇمكىندىك بار ەكەنىن كورسەتەدى، ءقازىر ءبىز وسى ولقىلىقتى جويۋ ءۇشىن تىنباي جۇمىس ىستەپ جاتىرمىز».
جەكە ينۆەستيسيالار ەسەبىنەن سپورت نىساندارىن سالۋ مەن جاڭعىرتۋعا دا كوپ كوڭىل ءبولىنىپ وتىر.
وتكەن جىلى الاتاۋ اۋدانىندا وسىنداي تەننيس ورتالىعى پايدالانۋعا بەرىلدى. بۇل نىسان 2020 جىلدان بەرى بۇرىنعى مەردىگەرلەردىڭ جاۋاپسىزدىعىنا بايلانىستى اياقتالماي تۇرعان بولاتىن.
«ينۆەستورلاردىڭ قولداۋىنىڭ ارقاسىندا قۇرىلىس تولىق ءبىتىپ، ءقازىر ورتالىق سپورتشىلاردى قابىلداپ، حالىقارالىق دەڭگەيدەگى جارىستاردى وتكىزۋگە تولىق دايىن تۇر»، – دەپ اتاپ ءوتتى سپورت باسقارماسىنىڭ باسشىسى.
سونىمەن قاتار باسسەينى بار، جالپى اۋماعى 7 400 شارشى مەتر بولاتىن، تاۋلىگىنە 600-دەن استام ادامدى قابىلداي الاتىن «جاس قانات» دەنە شىنىقتىرۋ-ساۋىقتىرۋ كەشەنى دە اشىلدى.
«جاڭا فوك بۇقارالىق سپورتتى دامىتىپ، كاسىبي سپورتشىلاردى دايارلاۋ مۇمكىندىگىن ەداۋىر كەڭەيتتى»، – دەدى دارحان نۇرحان ۇلى.
دەمەۋشىلەردىڭ قاراجاتىنا جوعارى سپورت شەبەرلىگىنە مامانداندىرىلعان مەكتەپتە اعىمداعى جوندەۋ جۇمىستارى جۇرگىزىلدى، وعان ىرگەلەس اۋماقتا دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالۋ ساتىسىندا تۇر.
سونداي-اق №9 سپورت مەكتەبىندە عيماراتتىڭ سەيسميكالىق تۇراقتىلىعىن كۇشەيتۋ ارقىلى كۇردەلى جوندەۋ جۇمىسى باستالدى.
«بۇل سپورتشىلارىمىزدىڭ قاۋىپسىزدىگىن قامتاماسىز ەتىپ، جاتتىعۋ ءۇشىن جاعداي جاساۋ جولىنداعى ماڭىزدى قادام»، – دەپ اتاپ ءوتتى نۇرحان ۇلى.
ءسوز سوڭىندا سپورت باسقارماسىنىڭ باسشىسى سپورتتىق ينفراقۇرىلىمدى دامىتۋ قالا ساياساتىنىڭ باسىم باعىتتارىنىڭ ءبىرى بولىپ قالا بەرەتىنىن ايتتى. الداعى جىلدارى جاڭا نىساندار سالىپ، قولدانىستاعىلارىن جاڭعىرتىپ، ينۆەستيسيا تارتۋ جۇمىستارى جالعاسىپ، قالا تۇرعىندارىن ساپالى ءارى قولجەتىمدى سپورت نىساندارىمەن قامتاماسىز ەتۋ كوزدەلىپ وتىر.
«ماقساتىمىز – جاسىنا، دايىندىعىنا قاراماي، ءار الماتىلىقتىڭ ساپالى سپورت نىسانىنا قولى جەتۋىن قامتاماسىز ەتۋ»، – دەپ تۇيىندەدى باسشى.