2024 جىلدىڭ 26 قىركۇيەگىندە الماتىدا كەزەكتى ءبىرىڭعاي ەسەپ بەرۋ كۇنى ۇيىمداستىرىلادى. شارا بارىسىندا قالالىق باقىلاۋ-قاداعالاۋ ورگاندارى 2024 جىلدىڭ 1 قاڭتارى مەن 1 تامىزى ارالىعىندا اتقارعان جۇمىستارى جايلى مالىمەت بەرەدى، دەپ حابارلايدى aqshamnews.kz
ءبىرىڭعاي ەسەپ بەرۋ كۇنىنىڭ ماقساتى – باقىلاۋ جانە قاداعالاۋ قىزمەتىن رەفورمالاۋ اياسىندا اتقارىلاتىن شارالاردى ءتۇسىندىرۋ، كاسىپكەرلەردىڭ قۇقىقتىق ساۋاتتىلىعىن ارتتىرۋ، سونداي-اق ءقاۋىپسىز جانە زاڭدى قىزمەتتى ۇيىمداستىرۋ ماسەلەلەرىن تالقىلاۋ.
ءىس-شاراعا كاسىپكەرلىك سۋبەكتىلەرى، وڭىرلىك كاسىپكەرلەر پالاتاسىنىڭ وكىلدەرى، باقىلاۋ جانە قاداعالاۋ ورگاندارى، مەملەكەتتىك قىزمەت جانە سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگاندار مەن قالا پروكۋراتۋراسىنىڭ ماماندارى قاتىسادى.
شاراعا قاتىسۋ ءۇشىن تومەندەگى نومىرگە حابارلاسۋىڭىزدى سۇرايمىز: 390-21-09. ءىس-شارا 26 قىركۇيەك كۇنى ساعات 15:00-دە باستالادى. وتەتىن ورنى: دوستىق ءۇيى، قۇرمانعازى كوشەسى، 40.