قازگيدرومەت 26-28 قىركۇيەككە ارنالعان اۋا رايى بولجامىن جاريالادى، دەپ حابارلايدى aqshamnews.kz
الداعى كۇندەرى اتموسفەرالىق فرونتتاردىڭ وتۋىمەن، رەسپۋبليكامىزدىڭ سولتۇستىگىندە، شىعىسىندا، وڭتۇستىك-شىعىسىندا جاۋىن-شاشىن، رەسپۋبليكامىزدىڭ وڭتۇستىك-شىعىسىنداعى تاۋلى اۋدانداردا قاتتى جاۋىن-شاشىن (جاڭبىر، قار)، جەلدىڭ كۇشەيۋى كۇتىلەدى، تۇندە اۋا تەمپەراتۋراسى 2-7 ايازعا دەيىن تومەندەيدى. رەسپۋبليكامىزدىڭ باتىسىندا، سولتۇستىك-باتىسىندا، ورتالىعىندا سولتۇستىك-باتىس انتيسيكلون اسەرىنەن جاۋىن-شاشىنسىز اۋا رايى كۇتىلەدى. تۇنگى جانە تاڭەرتەڭگى ساعاتتاردا ەلىمىزدىڭ سولتۇستىگىندە، شىعىسىندا، وڭتۇستىك-شىعىسىندا تۇمان كۇتىلەدى.
كۇندىز اۋا تەمپەراتۋراسى ەلىمىزدىڭ باتىسىندا +20+27°س دەيىن، سولتۇستىكتە، ورتالىقتا +15+23°س دەيىن، قيىر وڭتۇستىكتە +18+25°س دەيىن، وڭتۇستىك-شىعىستا +12+20°س دەيىن باياۋلاپ كوتەرىلە باستايدى، ەلىمىزدىڭ شىعىسىندا اۋا تەمپەراتۋرا +3+11°س شاماسىندا بولادى.