2 مىڭعا جۋىق كاسىپكەردەن ءوتىنىش تۇسكەن.
الماتىدا بيزنەس سۋبەكتىلەرىنىڭ مۇلىكتىك زالالدارىن انىقتاۋ جونىندەگى وڭىرلىك كوميسسيا كاسىپكەرلەردىڭ 351،5 ملن تەڭگە جالپى سوماسىنداعى 183 ءوتىنىشىن ماقۇلدادى، دەپ حابارلايدى Almaty-akshamy.kz قازاقپاراتقا سىلەمە جاساپ.
اتالمىش وتىنىشتەردىڭ ىشىندە 218،7 ملن تەڭگە سوماسىنداعى 111 ءوتىنىش بيۋدجەت قاراجاتى، 132،8 ملن تەڭگە سوماسىنداعى 72 ءوتىنىش «جاڭا الاتاۋ» قايىرىمدىلىق قورى ەسەبىنەن قارجىلاندىرىلاتىن بولادى.
ايتا كەتەيىك، كوميسسيا جۇمىسىنىڭ بارلىق كەزەڭىنىڭ ىشىندە 996،4 ملن تەڭگە سوماسىنداعى 545 ءوتىنىش ماقۇلداندى. ونىڭ ىشىندە، 431،1 ملن تەڭگە سوماسىنداعى 251 ءوتىنىش بيۋدجەت قاراجاتى، 565،3 ملن تەڭگە سوماسىنداعى 294 ءوتىنىش «جاڭا الاتاۋ» قايىرىمدىلىق قورى ەسەبىنەن قارجىلاندىرىلادى.
قازىرگى ۋاقىتتا زارداپ شەككەن شاعىن جانە ورتا بيزنەس سۋبەكتىلەرىنەن وتىنىشتەر كەلىپ جاتىر، Info Kazakhstan سايتىنا الماتى قالاسىنىڭ 2 مىڭعا جۋىق كاسىپكەرلەرىنەن ءوتىنىش كەلىپ تۇسكەن.