سىناق جۇيەسى قىمبات تەحنولوگيالىق جابدىقتى قاجەت ەتپەيدى.
روسپوترەبنادزوردىڭ ورتالىق ەپيدەميولوگيا عىلىمي-زەرتتەۋ ينستيتۋتىنىڭ (رپن) عالىمدارى COVID-19-نى اۋرۋدى ەرتە كەزەڭىندە انىقتاي الاتىن كوروناۆيرۋس دەتەكتورىن جاساپ شىعاردى، دەپ حابارلايدى Almaty-akshamy.kz INTERFAX.RU سايتىنا سىلتەمە جاساپ.
«ازىرلەنگەن تەحنولوگيا اقۋىزدار جيىنتىعى سانالادى، ولاردىڭ كەيبىرەۋلەرى ماتەريالدى كۇشەيتۋگە جاۋاپ بەرەدى (ۆيرۋستىق گەنومنىڭ NK فراگمەنتىنىڭ كوشىرمەلەرىنىڭ سانىن كوبەيتۋ)، باسقالارى، CRISPR / Cas پروتەيندەرى SARS-CoV-2 گەنومىنىڭ فراگمەنتىن تانۋعا جاۋاپتى بولادى. SARS-CoV-2 ۆيرۋسى گەنومىنىڭ فراگمەنتىنە ءتان وسى اقۋىزدار مەن باعىتتاۋشى رنق-لار بۇل جۇيەنىڭ وتە سەزىمتال، ۆيرۋستىڭ مينيمالدى كونسەنتراسياسىنا دا جاۋاپ بەرۋىنە مۇمكىندىك بەرەدى»، - دەلىنگەن حابارلامادا.
ازىرلەۋشىلەردىڭ ءبىرى، ورتالىق ەكسپەريمەنتتىك مەديسينا عىلىمي-زەرتتەۋ ينستيتۋتىنىڭ ەكسپەريمەنتتىك فارماكولوگيا زەرتحاناسىنىڭ مەڭگەرۋشىسى الەكساندر تيۋمەنسيەۆتىڭ ايتۋىنشا، ۇسىنىلىپ وتىرعان تەحنولوگيا توسەكتە جاتقان ناۋقاستىڭ ءوزىن تەز دياگنوستيكالاۋعا مۇمكىندىك بەرەتىن جۇيەنىڭ نەگىزى بولا الادى. ول مۇنداي سىناق جۇيەسى قىمبات تەحنولوگيالىق جابدىقتى قاجەت ەتپەيتىنىن، سوندىقتان ونى ءوندىرۋ ارزانعا تۇسەتىنىن اتاپ ءوتتى.